- - १५७ कोटींच्या बनावट व्यवहारांचा आरोप
मनी लॉन्ड्रिंग प्रकरणात अटक करण्यात आलेले पंजाब सरकारमधील मंत्री Sanjeev Arora यांना न्यायालयाने सात दिवसांच्या ईडी कोठडीत पाठवले आहे. रविवारी सकाळी त्यांना न्यायालयात हजर करण्यात आले होते. त्यानंतर अंमलबजावणी संचालनालयाने (ED) पुढील चौकशीसाठी त्यांची कोठडी मागितली आणि न्यायालयाने ती मंजूर केली.
सध्या संजीव अरोरा यांची गुरुग्राममधील एमजी रोड येथील ईडी कार्यालयात कसून चौकशी सुरू असून, आर्थिक व्यवहार, कंपन्यांचे दस्तऐवज आणि कथित बनावट निर्यातीसंदर्भातील माहिती तपासली जात आहे. अरोरा हे पंजाबमधील लुधियाना वेस्ट मतदारसंघाचे आमदार असून राज्य सरकारमध्ये महत्त्वाची जबाबदारी सांभाळत आहेत.
आसाम : आसामच्या राजकारणात पुन्हा एकदा हिमंता बिस्वा सरमा (Himanta Biswa Sarma) यांचे वर्चस्व कायम राहिले असून, त्यांची भाजप विधिमंडळ पक्षाच्या नेतेपदी एकमताने ...
ईडीच्या प्राथमिक तपासानुसार, संजीव अरोरा आणि त्यांच्याशी संबंधित काही कंपन्यांवर तब्बल १५७.१२ कोटी रुपयांच्या कथित बनावट विक्री व्यवहारांचे आरोप आहेत. तसेच शेल कंपन्यांच्या माध्यमातून बनावट निर्यात दाखवून आर्थिक गैरव्यवहार करण्यात आल्याचा संशय तपास यंत्रणांनी व्यक्त केला आहे. या व्यवहारांच्या माध्यमातून मोठ्या प्रमाणावर पैशांची अफरातफर आणि मनी लॉन्ड्रिंग झाल्याचा दावा ईडीकडून करण्यात येत आहे.
मुंबई : पंतप्रधान नरेंद्र मोदी यांनी रविवारी म्हटले की, काँग्रेस फक्त खोटेपणा आणि विश्वासघाताचे राजकारण करते. काँग्रेसच्या सत्तेच्या पुस्तकात ...
दरम्यान, या कारवाईनंतर पंजाबच्या राजकारणात मोठी खळबळ उडाली आहे. विरोधकांनी राज्य सरकारवर जोरदार टीका करत भ्रष्टाचाराच्या मुद्द्यावर सरकारला घेरण्यास सुरुवात केली आहे. तर दुसरीकडे, संजीव अरोरा यांच्याकडून अद्याप या आरोपांवर अधिकृत सविस्तर प्रतिक्रिया देण्यात आलेली नाही.