Maharashtra FYJC Admission 2026 : अकरावी प्रवेश प्रक्रियेला सुरुवात; विद्यार्थ्यांसाठी महत्त्वाचे वेळापत्रक जाहीर

मुंबई : महाराष्ट्र राज्य माध्यमिक आणि उच्च माध्यमिक शिक्षण मंडळाकडून दहावीचा निकाल जाहीर झाल्यानंतर आता राज्यभरातील विद्यार्थी आणि पालकांचे लक्ष अकरावीच्या ऑनलाइन प्रवेश प्रक्रियेकडे लागले आहे. शैक्षणिक वर्ष २०२६-२७ साठीची FYJC (First Year Junior College) ऑनलाइन प्रवेश प्रक्रिया अधिकृतपणे ८ मेपासून सुरू झाली असून शिक्षण विभागाने संपूर्ण वेळापत्रक जाहीर केले आहे. यंदाही संपूर्ण प्रवेश प्रक्रिया ऑनलाइन पद्धतीनेच पार पडणार असून विद्यार्थ्यांना घरबसल्या अर्ज भरण्याची सुविधा उपलब्ध करून देण्यात आली आहे. राज्यातील लाखो विद्यार्थ्यांसाठी ही प्रक्रिया अत्यंत महत्त्वाची मानली जात आहे.

शून्य फेरीला सुरुवात :

अकरावी प्रवेश प्रक्रियेची ‘झिरो राऊंड’ म्हणजेच शून्य फेरी ८ मे ते २० मेदरम्यान पार पडणार आहे. या कालावधीत विद्यार्थ्यांना अर्जाचा भाग-१ भरता येणार आहे. तर ११ मे ते १३ मे या दरम्यान विद्यार्थ्यांना भाग-१ आणि भाग-२ पूर्ण करण्याची संधी दिली जाणार आहे. या प्रक्रियेत विद्यार्थ्यांना त्यांच्या पसंतीनुसार किमान १ ते जास्तीत जास्त १० कनिष्ठ महाविद्यालयांची निवड करता येणार आहे. कला, वाणिज्य आणि विज्ञान शाखांसाठी विद्यार्थी वेगवेगळ्या महाविद्यालयांचा पर्याय निवडू शकतात.

FIFA World Cup 2026 : केटी पेरी-शकीराचा धमाका! विश्वचषक उद्घाटन सोहळा होणार सुपरहिट एंटरटेनमेंट शो

फिफा वर्ल्ड कप २०२६ (2026 FIFA World Cup) च्या उद्घाटन सोहळ्याची रंगत आता अधिकच वाढली आहे. जागतिक पॉप स्टार केटी पेरी (Katy Perry) हिने २०२६ फिफा विश्वचषकाच्या उद्घाटन ...

गुणवत्ता यादी आणि प्रवेश प्रक्रिया :

१४ आणि १५ मे रोजी तात्पुरती सर्वसाधारण गुणवत्ता यादी जाहीर केली जाणार आहे. यामध्ये विद्यार्थ्यांना काही त्रुटी आढळल्यास त्या दुरुस्त करण्यासाठी १६ मे हा दिवस राखीव ठेवण्यात आला आहे. यानंतर २१ मेपासून प्रत्यक्ष प्रवेश प्रक्रियेला सुरुवात होणार आहे. २१ आणि २२ मे हे अर्जाचा भाग-१ आणि भाग-२ भरण्याचे अंतिम दिवस असतील. अर्ज सादर करण्यासाठी सकाळी ६ वाजेपर्यंतची मुदत देण्यात आली आहे.

त्यानंतर २३ ते २६ मेदरम्यान महाविद्यालयांकडून प्रवेश यादी प्रसिद्ध केली जाईल. ज्या विद्यार्थ्यांना महाविद्यालये मिळतील, त्यांना २६ ते २८ मेदरम्यान संबंधित महाविद्यालयात जाऊन प्रत्यक्ष प्रवेश निश्चित करावा लागणार आहे.

Thalapathy Vijay : थलपती विजय सोमवारी राज्यपालांना भेटणार, जुळवलेल्या सत्ता समीकरणाची माहिती देणार

चेन्नई : थलपती विजय उर्फ चंद्रशेखरन जोसेफ विजय याच्या नेतृत्वात तामिळनाडूत नव्या सरकारची स्थापना होण्याची शक्यता वाढली आहे. सत्ता स्थापनेचा दावा ...

दुसऱ्या फेरीचे वेळापत्रकही लवकरच :

पहिल्या फेरीनंतर रिक्त राहिलेल्या जागांची माहिती २९ मे रोजी जाहीर केली जाणार आहे. त्यानंतर दुसऱ्या प्रवेश फेरीचे वेळापत्रक ३० मे रोजी प्रसिद्ध करण्यात येणार असल्याची माहिती शिक्षण विभागाने दिली आहे.

आतापर्यंत लाखो विद्यार्थ्यांनी भरले अर्ज :

माध्यमिक व उच्च माध्यमिक शिक्षण मंडळाचे संचालक Dr. Mahesh Palkar यांनी स्पष्ट केले की, यंदा संपूर्ण प्रक्रिया पूर्णपणे ऑनलाइन असेल. आतापर्यंत सुमारे ७.७४ लाख विद्यार्थ्यांनी अर्जाचा भाग-१ भरल्याची माहितीही त्यांनी दिली. याशिवाय व्यवस्थापन कोटा, अल्पसंख्यांक कोटा आणि संस्थांतर्गत कोट्यांतील प्रवेशाची माहिती देखील विद्यार्थ्यांना ऑनलाइन प्रणालीत भरावी लागणार आहे.

Vaibhav Sooryavanshi : आयपीएलच्य दिग्गजांमध्ये वैभवचे वर्चस्व , आता पोलार्डचा विक्रम मोडण्याची संधी

जयपूर: आयपीएल २०२६ मध्ये आज गुजरात आणि राजस्थान यांच्यात लढत होणार आहे. हा सामना जयपूरच्या सवाई मानसिंग स्टेडियमवर संध्याकाळी साडेसात वाजता खेळला ...

१ जुलैपासून सुरू होणार अकरावीचे वर्ग :

शैक्षणिक वर्ष वेळेत सुरू व्हावे यासाठी यंदा दहावी आणि बारावीचे निकाल वेळेत जाहीर करण्यात आले आहेत. शिक्षण आयुक्त Sachindra Pratap Singh यांनी दिलेल्या माहितीनुसार, राज्यातील अकरावीचे नियमित वर्ग १ जुलै २०२६ पासून सुरू करण्यात येणार आहेत. दरम्यान, विद्यार्थ्यांनी अधिकृत प्रवेश संकेतस्थळावर वेळेत अर्ज भरावेत आणि सर्व कागदपत्रांची पडताळणी करूनच प्रक्रिया पूर्ण करावी, असे आवाहन शिक्षण विभागाकडून करण्यात आले आहे.