छत्रपती संभाजीनगर : नाशिकमधील टीसीएस (TCS) कंपनीतील महिला कर्मचाऱ्यांचे लैंगिक शोषण, सक्तीचे धर्मांतर आणि विनयभंग प्रकरणामुळे संपूर्ण राज्यात सध्या मोठी खळबळ उडाली आहे. या प्रकरणातील मुख्य संशयित आणि अनेक दिवसांपासून फरार असलेली आरोपी निदा खान हिला अखेर पोलिसांनी अटक केली आहे. नाशिक गुन्हे शाखा आणि छत्रपती संभाजीनगर पोलिसांनी संयुक्त कारवाई करत तिला छत्रपती संभाजीनगरमधील कौसर पार्क परिसरातून ताब्यात घेतले. तिच्या अटकेनंतर आता ती ज्या घरात लपून राहत होती, त्या ठिकाणाबाबत धक्कादायक माहिती समोर येत आहे.
Nashik TCS Case : नाशिकमधील टीसीएस (TCS) धर्मांतर आणि लैंगिक शोषण प्रकरणातील मुख्य आरोपी निदा खानला अखेर अटक करण्यात आली आहे. निदा खान (Nida Khan) हिच्या अटकेनंतर अनेक ...
मिळालेल्या माहितीनुसार, निदा खान ही कौसर पार्क परिसरात नाव बदलून आणि अत्यंत गुप्तपणे राहत होती. पोलिसांना तिच्या वास्तव्याची माहिती मिळाल्यानंतर सापळा रचण्यात आला आणि काल रात्री तिला ताब्यात घेण्यात आले. त्यानंतर तिला नाशिकमध्ये आणून अटकेची कायदेशीर प्रक्रिया पूर्ण करण्यात आली. या कारवाईनंतर आता एसआयटी (SIT) तपासाला आणखी वेग मिळण्याची शक्यता व्यक्त केली जात आहे.
निदा खान ज्या घरात राहत होती, त्या परिसरात मोठ्या प्रमाणात भाडेकरू राहतात. त्यामुळे इथले लोक सहसा एकमेकांच्या खासगी आयुष्यात हस्तक्षेप करत नाहीत. याचाच फायदा घेत निदा खान या ठिकाणी राहत असल्याचे सांगितले जात आहे. स्थानिक नागरिकांनी दिलेल्या माहितीनुसार, हे घर गेल्या सात ते आठ महिन्यांपासून रिकामे होते. घराच्या मूळ मालकाने ते विकल्यानंतर तिथे नक्की कोण राहायला आले, याची कोणालाही माहिती नव्हती.
छत्रपती संभाजीनगर : नाशिकमधील टिसीएस (TCS) कंपनीतील कथित लैंगिक शोषण आणि सक्तीच्या धर्मांतरण प्रकरणात मोठी घडामोड समोर य़ेत आहे. या प्रकरणातील फरार आरोपी ...
परिसरातील रहिवाशांनी सांगितले की, या घराचा दरवाजा कायम बंद असायचा. घरात नेमकं कोण राहतं, किती लोक आहेत, याबद्दल कुणालाच माहिती नव्हती. मात्र, एक वयस्कर व्यक्ती अधूनमधून घराबाहेर येताना दिसायचा. तो हातात दूध, किराणा किंवा इतर सामान घेऊन घरात जाताना अनेकांनी पाहिला होतं. पण त्या घरात निदा खान लपून बसली आहे, याची कोणालाही कल्पना नव्हती. स्थानिकांच्या मते, हे लोक अवघ्या चार ते पाच दिवसांपूर्वीच त्या ठिकाणी राहायला आले असावेत. ते दिवसा आले की रात्री, हेही कोणाला समजले नाही.