मुंबई : मनोज बाजपेयी यांच्या दमदार अभिनयाची आणखी एक झलक प्रेक्षकांना लवकरच पाहायला मिळणार आहे. विपुल अमृतलाल शाह यांच्या सनशाइन पिक्चर्स प्रस्तुत ‘गव्हर्नर- द सायलेंट सेव्हियर’ या बहुप्रतिक्षित चित्रपटाचा दमदार टीझर अखेर प्रेक्षकांच्या भेटीला आला आहे. सत्य घटनांवर आधारित असलेल्या या चित्रपटाबद्दल आधीपासूनच प्रचंड उत्सुकता होती आणि आता टीझर रिलीज झाल्यानंतर सोशल मीडियावर त्याची जोरदार चर्चा रंगली आहे.
मुंबई : भारतीय सिनेसृष्टीचे जनक दादासाहेब फाळके हे मराठी असल्याने अभिजात दर्जा लाभलेली मराठी भाषेतील सिनेसृष्टीला सिनेमांचे माहेरघर मानले जाते. ...
या चित्रपटाचे दिग्दर्शन मराठी सिनेसृष्टीतील प्रसिद्ध अभिनेता आणि दिग्दर्शक चिन्मय मांडलेकर यांनी केले आहे. ‘द केरळ स्टोरी’ आणि ‘द केरळ स्टोरी २:गोज बियॉन्ड’ नंतर निर्माते विपुल अमृतलाल शाह आणखी एका सत्य आणि प्रभावी कथेसह प्रेक्षकांसमोर येत आहेत. चित्रपटाचा टीझर पाहिल्यानंतर हा सिनेमा केवळ मनोरंजन करणारा नसून प्रेक्षकांना विचार करायला भाग पाडणारा असेल, अशी चर्चा सुरू झाली आहे.
मुंबई : अभिनेता रितेश देशमुख दिग्दर्शित ‘राजा शिवाजी’ हा ऐतिहासिक चित्रपट सध्या बॉक्स ऑफिसवर अक्षरशः धुमाकूळ घालत आहे. हिंदी आणि मराठी या दोन्ही ...
‘गव्हर्नर- द सायलेंट सेव्हियर’ हा चित्रपट १९९०च्या दशकात भारताने अनुभवलेल्या मोठ्या आर्थिक संकटावर आधारित आहे. त्या काळात देश गंभीर आर्थिक अडचणीत सापडला होता. या संकटातून देशाला बाहेर काढण्यासाठी पडद्यामागे काम करणाऱ्या एका महत्त्वाच्या व्यक्तीची कथा या चित्रपटात मांडण्यात आली आहे. राष्ट्रीय पुरस्कार विजेते अभिनेते मनोज बाजपेयी या चित्रपटात आरबीएल अर्थात राष्ट्रीय बँक ऑफ इंडियाच्या गव्हर्नरच्या भूमिकेत दिसणार आहेत. मनोज बाजपेयी यांनी याआधी कधीही न साकारलेली ही भूमिका असल्याने त्यांच्या चाहत्यांमध्ये विशेष उत्सुकता पाहायला मिळत आहे.
सत्य घटनांवर आधारित, दमदार कथा आणि मनोज बाजपेयी यांच्या प्रभावी अभिनयामुळे ‘गव्हर्नर- द सायलेंट सेव्हियर’ हा चित्रपट प्रेक्षकांसाठी खास ठरणार असल्याचं मानलं जात आहे. हा बहुप्रतिक्षित चित्रपट १२ जून २०२६ रोजी सिनेमागृहात प्रदर्शित होणार आहे.