कोलकाता : पश्चिम बंगाल हादरवून टाकणारी घटना काही महिन्यांपूर्वी कोलकाता येथील प्रसिद्ध आर. जी. कार रुग्णालयात घडली होती. एका निवासी डॉक्टर तरुणीवर सामूहिक बलात्कार करून तिची हत्या करण्यात आली होती. पुरावे नष्ट करण्यासाठी शरीराचे तुकडे करण्यात आले होते. या धक्कादायक आणि अमानवी कृत्यामुळे ज्या उदयोन्मुख तरुणीने जीव गमावला तिच्याच आईला भाजपने विधानसभा निवडणुकीसाठी उमेदवारी दिली. ममता बॅनर्जी सरकारने न्याय दिला नाही पण जनता तुमच्या पाठीशी उभी राहील आणि सत्तांतरानंतर न्यायासाठी लढुया याच विचारातून ही उमेदवारी देण्यात आली होती. भाजपच्या या निर्णयाला पाणीहाटी विधानसभा मतदारसंघांतील लाखो मतदारांनी पाठिंबा दिला. यामुळे पीडितेची आई रत्ना देबनाथ विधानसभा निवडणुकीत ४५ हजारांपेक्षा जास्त मतांनी आघाडीवर आहेत. त्यांची विजयाच्या दिशेने वाटचाल सुरू आहे.
चेन्नई : तामिळनाडूच्या राजकारणात आज मोठा बदल पाहायला मिळाला आहे. ज्याची कुणालाही अपेक्षा नव्हती, असं चित्र समोर आलं आहे. अवघ्या दोन वर्षांपूर्वी ...
याआधी कोलकातामध्ये रत्ना देबनाथ यांच्या मुलीला न्याय मिळावा आणि घृणास्पद कृत्य करणाऱ्यांना कठोरातील कठोर शिक्षा व्हावी यासाठी लाखो तरुण तरुणी रस्त्यावर आले. मोठे आंदोलन झाले. अनेक मोर्चे निघाले. पण ममता बॅनर्जी सरकारला पाझर फुटला नाही. पीडितेला ममता सरकारच्या काळात न्याय मिळाला नाही. अखेर भाजपच्या तिकिटावर निवडणूक लढवून मुलीला न्याय मिळवून देण्यासाठी स्वतःच राज्यातील यंत्रणेचा अर्थात सिस्टिमचा भाग होण्याचा निर्णय रत्ना देबनाथ यांनी घेतला. भाजपकडून मिळालेली उमेदवारी स्वीकारत त्या निवडणूक रिंगणात उतरल्या. पंतप्रधान मोदींनी रत्ना देबनाथ यांच्यासाठी प्रचार केला. जनतेने भाजपवर विश्वास दाखवत नराधमांना शिक्षा मिळेल अशी खात्री बाळगत रत्ना देबनाथ यांना मते दिली.
चेन्नई : अभिनेत्री आणि भाजप खासदार हेमा मालिनी यांनी तामिळनाडू आणि पुदुच्चेरीतील निवडणूक निकालांवर प्रतिक्रिया व्यक्त केली आहे. त्यांनी ...
ममता दीदीं विरुद्ध मैदानात
राज्यातील महिलांवरील वाढत्या अत्याचाराच्या गुन्ह्यांविरुद्ध, गुन्हेगारीविरुद्ध रत्ना यांनी आवाज उठवला, प्रचार सभांदरम्यान आवाज उठवत रत्ना देबनाथ निवडणुकीच्या रिंगणात उतरल्या. मुलीच्या नावाने व्यवसाय करताय अशी वक्तव्य, अनेक धमक्या, मारामारी या सगळ्यानंतर जनतेने सर्वांच्या मुलींच्या रक्षणासाठी लढणाऱ्या एका आईच्या पदरात मतांचं दान टाकल आहे.