IPL 2026 मध्ये आपल्या आक्रमक फलंदाजीने गोलंदाजांची झोप उडवणारा 15 वर्षीय युवा फलंदाज वैभव सूर्यवंशी सध्या क्रिकेटविश्वात चर्चेचा केंद्रबिंदू ठरला आहे. राजस्थान रॉयल्स संघाकडून खेळणाऱ्या या खेळाडूच्या कामगिरीने इंग्लंडचा स्टार फलंदाज जोस बटलर देखील थक्क झाला आहे. तो म्हणाला की, हा खेळाडू आहे की एआय. त्याच हे वक्तव्य सध्या क्रिकेटविश्वात व्हायरल होत आहे.
नेमकं काय म्हणाला जोश बटलर ?
एका पॉडकास्टमध्ये बोलताना बटलरने सांगितले की, त्याने राजस्थानच्या वेगवान गोलंदाज जोफ्रा आर्चरला मेसेज करून विचारले होते, हा मुलगा खरा आहे की AI ? मस्कने असा एखादा खेळाडू तयार केला आहे का ? त्याच्या या धडाकेबाज फलंदाजीचे कौतुक करताना बटलर म्हणाला, साधारणपणे प्रशिक्षक 15 वर्षांच्या खेळाडूंना चेंडू नीट पाहून खेळायला सांगतात. पण वैभव पहिल्याच चेंडूपासून आक्रमक खेळ करतो आणि प्रतिस्पर्धी संघावर दबाव टाकतो.
IPL 2026 मध्ये वैभवची कामगिरी
यंदाच्या हंगामात वैभवने फक्त आठ सामन्यांत ४०० धावांचा टप्पा गाठला आहे. यात हैदराबाद विरुद्ध 37 चेंडू मध्ये शतक ही त्याची सर्वोत्तम कामगिरी आहे. त्याने बुमराह, हेझलवूड आणि कमिन्स यांसारख्या जगातील अव्वल गोलंदाजांच्या पहिल्याच चेंडूवर षटकार ठोकण्याचा पराक्रम केला आहे. वैभव ने आठ सामान्यत 37 षटकार मारले आहेत. त्याने यंदाच्या आयपीएलमध्ये 71 वेळा चौकार मारले आहेत. अवघ्या 167 चेंडूंमध्ये 400 धावा पूर्ण करत आंद्रे रसेलचा 188 चेंडूंमध्ये 400 धावांचा विक्रम त्याने मोडला आहे.
