Israel Lebanon Ceasefire 2026 : मध्यपूर्वेत १० दिवसांचा युद्धविराम; शांततेकडे मोठं पाऊल, डोनाल्ड ट्रम्प यांची घोषणा

मध्यपूर्वेतील तणावपूर्ण परिस्थितीत इस्रायल आणि लेबनॉनमधील हिजबुल्ला यांच्यात १० दिवसांचा युद्धविराम जाहीर करण्यात आला आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी ही महत्त्वाची घोषणा करत दोन्ही देशांच्या नेतृत्वाने याला सहमती दर्शवल्याची माहिती दिली.

ट्रम्प यांनी सांगितले की त्यांनी लेबनॉनचे राष्ट्राध्यक्ष जोसेफ औन (Joseph Aoun) आणि इस्रायलचे पंतप्रधान बेंजामिन नेतान्याहू (Benjamin Netanyahu) यांच्याशी चर्चा केली. या चर्चेनंतर दोन्ही देशांनी ठराविक वेळेनुसार औपचारिक युद्धविराम लागू करण्याचा निर्णय घेतला.

माध्यमांच्या वृत्तानुसार, ट्रम्प यांनी अमेरिकेचे उपराष्ट्रपती जे. डी. व्हान्स (J. D. Vance) आणि परराष्ट्र सचिव मार्को रुबिओ (Marco Rubio) यांना या प्रक्रियेत सक्रिय भूमिका घेण्याचे निर्देश दिले आहेत. तसेच, इस्रायल आणि लेबनॉनमध्ये दीर्घकालीन शांतता प्रस्थापित करण्यासाठी पुढील चर्चा व्हाईट हाऊसमध्ये होणार असल्याचेही त्यांनी संकेत दिले.

Terrorist Amir Hamza : भारतातील अनेक दहशतवादी हल्ल्यांमागील सूत्रधार दहशतवादी अमीर हमजावर गोळीबार; प्रकृती गंभीर

- लष्कर-ए-तैयबाचा संस्थापक सदस्य अमीर हमजा याच्यावर लाहोरमध्ये गोळीबार पाकिस्तानातील दहशतवादी संघटना लष्कर-ए-तैयबा (LeT)चा संस्थापक सदस्य अमीर हमजा ...

दरम्यान, लेबनॉनचे राष्ट्राध्यक्ष औन यांनी ट्रम्प यांच्या प्रयत्नांचे कौतुक करत पश्चिम आशियातील शांततेसाठी हा महत्त्वाचा टप्पा असल्याचे म्हटले. दुसरीकडे, नेतान्याहू यांनी मंत्रिमंडळात स्पष्ट केले की, अमेरिकेच्या विनंतीनुसार हा निर्णय घेतला असला तरी सुरक्षा दलांची तैनाती कायम ठेवली जाईल.

या युद्धविरामावर इस्रायलचे विरोधी पक्षनेते यायर लॅपिड (Yair Lapid) यांनी टीका करत सरकारने दिलेल्या आश्वासनांचा भंग झाल्याचा आरोप केला. हिजबुल्लाशी संबंधित नेते इब्राहिम अल-मौसावी यांनीही प्रतिक्रिया देत, इस्रायलने हल्ले थांबवल्यास युद्धविरामाचे पालन केले जाईल असे स्पष्ट केले.

Pakistan HIV Outbreak: पाकिस्तानची कुचकामी आरोग्यव्यस्था : एकाच सुईने चक्क ३३१ चिमुकल्यांना दिले ‘एड्स’चे इंजेक्शन; अनेकांचा मृत्यू

पाकिस्तानच्या पंजाब प्रांतातील ताउंसा शहरातून एक अतिशय गंभीर आणि धक्कादायक घटना समोर आली आहे. नोव्हेंबर २०२४ ते ऑक्टोबर २०२५ या कालावधीत तब्बल ३३१ ...

अमेरिका - इराण युद्धात १० दिवसांचा युद्धविराम लागू; बेरुतमध्ये जल्लोष . .#prahaarnewsline #marathinews #americairanwar #ceasefire #celebration pic.twitter.com/Yn4o7NhyCx

— Prahaar Newsline (@PrahaarNewsline) April 17, 2026

लेबनॉनचे पंतप्रधान नवाफ सलामा यांनी या निर्णयाचे स्वागत करत देशातील नागरिकांचे अभिनंदन केले. तसेच, फ्रान्सचे राष्ट्राध्यक्ष इमॅन्युएल मॅक्रॉन (Emmanuel Macron) आणि युरोपियन कमिशनच्या अध्यक्षा उर्सुला वॉन डेर लेयन (Ursula von der Leyen) यांनीही या युद्धविरामाचे स्वागत करत शांततेसाठी हा सकारात्मक टप्पा असल्याचे म्हटले आहे.