पश्चिम आशियातील अलीकडील युद्धाच्या पार्श्वभूमीवर इराणच्या लष्करी क्षमतेबाबत एक महत्त्वपूर्ण आणि धक्कादायक खुलासा समोर आला आहे. अहवालानुसार, इराणने गुप्तपणे चीनकडून एक गुप्तचर उपग्रह मिळवला असून, त्याच्या मदतीने संपूर्ण प्रदेशातील अमेरिकन लष्करी तळांवर नजर ठेवून हल्ल्यांसाठी धोरणात्मक माहिती गोळा केली.
अहवालानुसार, “टीईई-०१बी” नावाचा हा उपग्रह चीनी कंपनी “अर्थ आय को.” यांनी तयार केला असून चीनमधूनच त्याचे प्रक्षेपण करण्यात आले. २०२४ च्या अखेरीस हा उपग्रह इराणच्या इस्लामिक रिव्होल्यूशनरी गार्ड कॉर्प्स (आयआरजीसी)च्या एरोस्पेस फोर्सच्या ताब्यात देण्यात आला. अहवालात लीक झालेल्या इराणी लष्करी कागदपत्रांचा हवाला देत म्हटले आहे की, आयआरजीसीच्या कमांडरांनी या उपग्रहाला थेट निर्देश देऊन पश्चिम आशियातील प्रमुख अमेरिकन लष्करी तळांवर नजर ठेवण्याचे काम करवून घेतले. या कागदपत्रांमध्ये वेळ-नोंद असलेले कोऑर्डिनेट्स, उपग्रह प्रतिमा आणि कक्षीय विश्लेषण समाविष्ट आहे, ज्यातून ही निगराणी अत्यंत नियोजनबद्ध आणि प्रणालीबद्ध पद्धतीने करण्यात आल्याचे दिसून येते.
Andaman Sea Boat Tragedy : मलेशिया गाठण्यापूर्वीच...अंदमान समुद्रात २५० प्रवाशांना घेऊन जाणारी नौका उलटली; अनेक प्रवाशांचा जीव धोक्यात
पोर्ट ब्लेअर : अंदमान समुद्रातून एक अत्यंत हृदयद्रावक बातमी समोर येत आहे. रोहिंग्या निर्वासित आणि बांगलादेशी नागरिकांना घेऊन जाणारी एक नौका खोल ...
माहितीनुसार, या उपग्रहाने घेतलेल्या प्रतिमा मार्च महिन्यातील असून, त्याच ठिकाणी ड्रोन आणि क्षेपणास्त्र हल्ले झाले होते. अहवालात असेही नमूद करण्यात आले आहे की, हल्ल्यांपूर्वी आणि नंतरच्या प्रतिमांचे विश्लेषण करून हल्ल्यांचा परिणाम किती प्रभावी होता, हेही तपासण्यात आले. मात्र, वृत्तसंस्थेला या अहवालाची स्वतंत्रपणे पुष्टी करता आलेली नाही, त्यामुळे अधिकृत पुष्टी अद्याप बाकी आहे.
Pakistan HIV Outbreak: पाकिस्तानची कुचकामी आरोग्यव्यस्था : एकाच सुईने चक्क ३३१ चिमुकल्यांना दिले ‘एड्स’चे इंजेक्शन; अनेकांचा मृत्यू
पाकिस्तानच्या पंजाब प्रांतातील ताउंसा शहरातून एक अतिशय गंभीर आणि धक्कादायक घटना समोर आली आहे. नोव्हेंबर २०२४ ते ऑक्टोबर २०२५ या कालावधीत तब्बल ३३१ ...
अहवालानुसार, या करारांतर्गत इराणला बीजिंगस्थित उपग्रह नियंत्रण आणि डेटा सेवा देणाऱ्या “एम्पोसॅट” कंपनीच्या व्यावसायिक ग्राउंड स्टेशन्सपर्यंत प्रवेश देण्यात आला. या ग्राउंड स्टेशन्सचे जाळे आशिया, लॅटिन अमेरिका आणि इतर भागांमध्ये पसरलेले असल्याने, उपग्रह संचालन आणि डेटा प्रेषणामध्ये इराणला मोठा तांत्रिक फायदा मिळाला.या उपग्रहाने घेतलेल्या छायाचित्रांमध्ये सौदी अरेबियातील “प्रिन्स सुलतान एअर बेस” प्रमुख आहे. या ठिकाणाचे फोटो १३, १४ आणि १५ मार्च रोजी घेण्यात आले होते. १४ मार्च रोजी अमेरिकेचे राष्ट्राध्यक्ष डोनाल्ड ट्रम्प यांनी या एअर बेसवरील अमेरिकन विमानांना हल्ल्यात नुकसान झाल्याची पुष्टी केली होती.
याशिवाय, या उपग्रहाने जॉर्डनमधील “मुवाफ्फाक साल्टी हवाई तळ”, बहरीनची राजधानी “मनामा” जवळील अमेरिकन पाचव्या नौदल तळाच्या परिसराचे, तसेच इराकमधील “एरबिल विमानतळ” परिसराचेही निरीक्षण केले. या सर्व ठिकाणी त्या काळात इराणकडून हल्ल्यांचे दावे करण्यात आले होते. या संपूर्ण प्रकरणावर अद्याप व्हाईट हाऊस, सीआयए, पेंटागॉन, चीनचे परराष्ट्र व संरक्षण मंत्रालय, तसेच “अर्थ आय को.” आणि “एम्पोसॅट” यांच्याकडून कोणतीही अधिकृत प्रतिक्रिया देण्यात आलेली नाही.
