मुंबई : मुंबई लाईफलाईन म्हटली की दोन गोष्टी नजरेसमोर येतात एक म्हणजे मुंबईची लोकल ट्रेन आणि दुसरी म्हणजे मुंबईचे डब्बेवाले. १३० वर्षांपासून संपूर्ण मुंबईकरांना सकाळी, दुपारी वेळेत डब्बा पोहोचवण्याचं काम हे मुंबईचे डब्बेवाले गेली अनेक वर्ष करत आले आहेत.
मुंबईचे डब्बेवाले जाणार सुट्टीवर
परंतु मुंबईचे डब्बेवाले आता सुट्टीवर जाणार अशी माहिती समोर आली आहे, हिंदू कालगणनेनुसार पहिल्या चैत्र महिन्यात अनेक सण उत्सव असतात, अनेक जण आपल्या गावी आपल्या देवाच्या जत्रेसाठी जात असतात. त्यामुळेच मुंबईचे डब्बेवालेही आजपासून म्हणजे ३० मार्चपासून ४ दिवस सुट्टीवर जाणार आहेत. म्हणजे डब्बेवाले ३० मार्च २०२६ ते ४ एप्रिल २०२६ पर्यंत सेवा देऊ शकणार नाही.
ग्रामदेवतेच्या उत्सवासाठी सुट्टी
दरवर्षी चैत्र महिन्यात डबेवाले आपल्या मूळ गावी होणाऱ्या ग्रामदेवतेच्या वार्षिक उत्सवांना आणि जाताना उपस्थित राहण्यासाठी सहा दिवसांची सुट्टी घेतात. ही त्यांची पारंपरिक वार्षिक सुट्टी असल्याचे नमूद करत, डबेवाले असोसिएशनने सर्व ग्राहक आणि मुंबईकरांना या रजेच्या काळात डबेवाल्यांचे मानधन न कापण्याचे आवाहन केले आहे.