पंतप्रधान नरेंद्र मोदी यांच्या शिरपेचात आणखी एक मनाचा तुरा रोवला गेला आहे. पंतप्रधान मोदींनी इंस्टाग्रामवर १०० दशलक्ष फॉलोअर्सचा टप्पा ओलांडला आहे. १०० दशलक्ष फॉलोअर्सचा टप्पा ओलांडणारे नरेंद्र मोदी हे जगातले पहिले राजकारणी ठरले आहेत.
मोदी यांनी २०१४ मध्ये इंस्टाग्रामवर आपलं अकाउंट उघडलं होतं. मोदींच्या फॉलोअर्सची संख्या अमेरिकेचे अध्यक्ष डोनाल्ड ट्रम्प यांच्यापेक्षा दुप्पट आहे. ट्रम्प ४३.२ दशलक्ष फॉलोअर्ससह दुसऱ्या क्रमांकावर आहेत.
तर, इंडोनेशियाचे अध्यक्ष प्रबोवो सुबियांतो १५ दशलक्ष फॉलोअर्ससह, ब्राझीलचे अध्यक्ष लुईझ इनासियो लुला दा सिल्वा १४.४ दशलक्ष फॉलोअर्ससह, तुर्कीचे अध्यक्ष रेसेप तय्यिप एर्दोगान ११.६ दशलक्ष आणि अर्जेंटिनाचे अध्यक्ष जेवियर मायली ६.४ दशलक्ष यांचे इंस्टाग्रामवर फॉलोअर्ससह आहेत.
पंतप्रधान मोदींनी पारंपारिक संवाद माध्यमांना बाजूला ठेवून, नागरिकांशी थेट संवाद साधण्यासाठी इंस्टाग्राम सारख्या दृश्य आणि परस्परसंवादी प्लॅटफॉर्मचा वापर केला.