मुंबई : विधानसभा आणि विधानपरिषद सभागृहांचे कामकाज सुरळीत सुरू ठेवण्यासाठी मंगळवारी तालिका अध्यक्ष आणि सभापतींची घोषणा करण्यात आली. अनुक्रमे विधानसभा अध्यक्ष राहुल नार्वेकर आणि विधान परिषदेचे सभापती राम शिंदे यांनी याबाबत घोषणा केली.
विधानसभेच्या कामकाजासाठी योगेश सागर, संजय केळकर, समाधान अवताडे, दिलीप लांडे, सुनील प्रभू, चंद्रकांत नवघरे, राजू खरे, अमित झनक यांची नियुक्ती तालिका अध्यक्षपदी करण्यात आली. तर, चित्रा वाघ, कृपाल तुमाने, विक्रम काळे, राजेश राठोड, सुनील शिंदे यांची तालिका सभापती म्हणून नियुक्ती करण्यात आली.
राज्याचे अर्थसंकल्पीय अधिवेशन सोमवार २३ फेब्रुवारी पासून सुरु झाले. सकाळी ११ वाजता राज्यपालांच्या अभिभाषणाने या अधिवेशनाची सुरुवात झाली. मुख्यमंत्री देवेंद्र फडणवीस ६ मार्च रोजी राज्याचा अर्थसंकल्पीय सादर करतील.