मुंबई : भारताने अमेरिकेविरुद्धच्या सामन्यात २० षटकांत नऊ बाद १६१ धावा केल्या आहेत. अभिषेक शर्माने शून्य, ईशान किशनने २०, तिलक वर्माने २५, सूर्यकुमार यादवने नाबाद ८४, शिवम दुबेने शून्य, रिंकू सिंगने ६, हार्दिक पांड्याने ५, अक्षर पटेलने १४, अर्शदीप सिंहने ४, वरुण चक्रवर्तीने नाबाद शून्य धावा केल्या आहेत. सूर्यकुमार यादवने ४९ चेंडूत चार षटकार आणि दहा चौकार मारत नाबाद ८४ धावा केल्या. सूर्याच्या झंझावातामुळेच भारताचे बाकीचे फलंदाज मोठी कामगिरी करू शकले नाही तरी भारतीय संघाने १५० धावांचा टप्पा पार केला.
सूर्यकुमारने अमेरिकेविरुद्ध खेळताना ३६ चेंडूत अर्धशतक केले. त्याने टी ट्वेंटी क्रिकेटमधले २५ वे अर्धशतक केले. या खेळीमुळे सूर्यकुमार यादव टी ट्वेंटी विश्वचषकात सर्वाधिक धावा करणाऱ्या भारतीय फलंदाजांच्या यादीत चौथ्या स्थानावर पोहोचला आहे. सूर्यकुमारने आयसीसी टी ट्वेंटी विश्वचषकात १९ सामन्यांत ५६४ धावा आहेत.
आयसीसी टी ट्वेंटी विश्वचषकात सर्वाधिक धावा करणारे भारतीय क्रिकेटपटू
- विराट कोहली - १२९२ धावा
- रोहित शर्मा - १२२० धावा
- युवराज सिंग - ५९३ धावा
- सूर्यकुमार यादव - ५६४ धावा (कारकिर्द सुरू आहे)
- महेंद्रसिंह धोनी - ५२९ धावा
- गौतम गंभीर - ५२४ धावा