अमेरिकेच्या एका गोलंदाजासमोर ढेपाळली भारताची फलंदाजी

मुंबई : टी ट्वेंटी विश्वचषकातील अमेरिकेविरुद्धच्या सामन्यात भारताची फलंदाजी एका गोलंदाजासमोर पुरती ढेपाळली. अमेरिकेच्या ३८ वर्षांच्या शॅडली व्हॅन शाल्कविकने (Shadley van Schalkwyk) चार षटकांत २५ धावा देत भारताच्या चार फलंदाजांना बाद केले. त्याने ईशान किशनला २० धावा केल्या असताना मिलिंद कुमारकरवी झेलबाद केले. तिलक वर्माला २५ धावा केल्या असताना कर्णधार मोनांक पटेलकरवी झेलबाद केले. शिवम दुबेला तर भोपळाही फोडू दिला नाही आणि सौरभ नेत्रावलकरकरवी झेलबाद केले. तसेच तळाच्या फलंदाजांपैकी अर्शदीप सिंहला चार धावा केल्या असताना मिलिंद कुमारकरवी झेलबाद केले.

भारताने अमेरिकेविरुद्धच्या सामन्यात २० षटकांत नऊ बाद १६१ धावा केल्या आहेत. अभिषेक शर्माने शून्य, ईशान किशनने २०, तिलक वर्माने २५, सूर्यकुमार यादवने नाबाद ८४, शिवम दुबेने शून्य, रिंकू सिंगने ६, हार्दिक पांड्याने ५, अक्षर पटेलने १४, अर्शदीप सिंहने ४, वरुण चक्रवर्तीने नाबाद शून्य धावा केल्या आहेत.

भारत : ईशान किशन (यष्टीरक्षक) , अभिषेक शर्मा , तिलक वर्मा , सूर्यकुमार यादव (कर्णधार) , रिंकू सिंग , हार्दिक पांड्या , शिवम दुबे , अक्षर पटेल , वरुण चक्रवर्ती , अर्शदीप सिंग ,मोहम्मद सिराज

अमेरिका : अँड्रीस गॉस (यष्टीरक्षक) , सैतेजा मुक्कामल्ला , मोनंक पटेल (कर्णधार) , मिलिंद कुमार , संजय कृष्णमूर्ती , शुभम रांजणे , हरमीत सिंग , मोहम्मद मोहसीन , शॅडली व्हॅन शाल्कविक , अली खान , सौरभ नेत्रावलकर