मुंबई : नगरपरिषदा आणि नगरपंचायतीच्या सार्वत्रिक निवडणुकांसाठी २ डिसेंबर २०२५ रोजी मतदान होत असून, मतदानासाठी संबंधित स्थानिक स्वराज्य संस्थेच्या मतदारसंघात सार्वजनिक सुट्टी जाहीर करण्यात आली आहे.
राज्याच्या ३४ जिल्ह्यांमध्ये नगरपरिषद/ नगरपंचायतीमध्ये निवडणुकांच्या अनुषंगाने खालील मतदारसंघात २ डिसेंबरला सार्वजनिक सुट्टी घोषित करण्यात आली आहे. यात पालघर (डहाणू, जव्हार, पालघर, वाडा), रायगड (अलिबाग, कर्जत, खोपोली, महाड, माथेरान, मुरूड-जंजिरा, पेण, रोहा, श्रीवर्धन, उरण), रत्नागिरी (चिपळूण, देवरूख, गुहागर, खेड, लांजा, राजापूर, रत्नागिरी), सिंधुदुर्ग (कणकवली, मालवण, सावंतवाडी, वेंगुर्ला), ठाणे (अंबरनाथ, कुळगाव-बदलापूर), अहिल्यानगर (देवळाली प्रवरा, जामखेड, कोपरगाव, नेवासा, पाथर्डी, राहाता, राहूरी, संगमनेर, शेवगाव, शिर्डी, श्रीगोंदा, श्रीरामपूर), धुळे (दोंडाईचा-वरवाडे, पिंपळनेर, सिंदखेडा, शिरपूर-वरवाडे), जळगाव (जामनेर, अमळनेर, भडगाव, भूसावळ, चाळीसगाव, चोपडा, धरणगांव, एरंडोल, फैजपूर, मुक्ताईनगर, नशिराबाद, पाचोरा, पारोळा, रावेर, सावदा, शेंदूर्णी, वरणगांव, यावल), नंदूरबार (शहादा, नंदूरबार, नवापूर, तळोदा), नाशिक (भगुर, मनमाड, नांदगाव, सटाणा, सिन्नर, येवला, चांदवाड, इगतपूरी, ओझर, पिंपळगांव बसवंत, त्र्यंबक), कोल्हापूर (आजरा, चंदगड, गडहिंग्लज, हातकणंगले, हुपरी, जयसिंगपूर, कागल, कुरुंदवाड, मलकापूर, मुरगूड, पन्हाळा, शिरोळ, वडगाव (कोल्हापूर)), पुणे (आळंदी, बारामती, भोर, चाकण, दौंड, फुरसुंगी-उरळी देवाची, इंदापूर, जेजूरी, जुन्नर, लोणावळा, मालेगाव बु., मंचर, राजगुरुनगर, सासवड, शिरुर, तळेगाव-दाभाडे, वडगाव (पुणे)), सांगली (आष्टा, आटपाडी, इस्लामपूर, जत, पलूस, शिराळा, तासगाव, विटा), सातारा (कराड, महाबळेश्वर, मलकापूर (सातारा), मेढा, म्हसवड, पाचगणी, फलटण, रहिमतपूर, सातारा, वाई), सोलापूर (अक्कलकोट, अकलूज, अनगर, बार्शी, दुधनी, करमाळा, कुर्डूवाडी, मैंदर्गी, मंगळवेढा, मोहोळ, पंढरपूर, सांगोला), बीड (अंबाजोगाई, बीड, धारुर, गेवराई, माजलगाव, परळी-वैजनाथ), छत्रपती संभाजीनगर (फुलंब्री, गंगापूर, कन्नड, खुलताबाद, पैठण, सिल्लोड, वैजापूर), धाराशिव (भूम, कळंब, मुरुम, नळदुर्ग, धाराशिव, परंडा, तुळजापूर, उमरगा), हिंगोली (वसमतनगर, हिंगोली, कळमनुरी), जालना (अंबड, भोकरदन, परतूर), लातूर (अहमदपूर, औसा, निलंगा, रेणापूर, उदगीर), नांदेड (बिलोली, देगलूर, धर्माबाद, हदगाव, हिमायतनगर, कंधार, कुंडलवाडी, मुदखेड, मुखेड, उमरी, भोकर, किनवट, लोहा), परभणी (गंगाखेड, जिंतूर, मानवत, पाथरी, पूर्णा, सेलू, सोनपेठ), अकोला (अकोट, बाळापूर, बार्शी-टाकळी, हिवरखेडा, मुर्तीजापूर, तेल्हारा), अमरावती (अचलपूर, अंजनगाव सुर्जी, चांदूरबाजार, चांदूर रेल्वे, चिखलदरा, दर्यापूर, धामणगाव रेल्वे, धारणी, मोर्शी, नंद-खांदेश्वर, शेंदूरजनाघाट, वरुड), बुलढाणा (बुलढाणा, चिखली, देऊळगाव राजा, जळगाव जामोद, खामगाव, लोणार, मलकापूर (बुलढाणा), मेहकर, नांदूरा, शेगाव, सिंदखेडराजा), वाशिम (कारंजा, मालेगाव, मंगरुळपीर, रिसोड, वाशिम), यवतमाळ (आर्णी, दारव्हा, दिग्रस, घाटंजी, पुसद, उमरखेड, वणी, यवतमाळ, ढाणकी, नेर-नवाबपूर, पांढरकवडा), भंडारा (पवनी, साकोली शेंदूरवाफा, तुमसर, भंडारा), चंद्रपूर (बल्लारपूर, भद्रावती, भिसी, ब्रह्मपूरी, चिमूर, गडचांदूर, घुग्घुस, मूल, नागभीड, राजुरा, वरोरा), गडचिरोली (आरमोरी, देसाईगंज, गडचिरोली), गोंदिया (गोंदिया, गोरेगाव, सालेकसा, तिरोडा), नागपूर (बहादूरा, बेसा पिपळा, भिवापूर, बुटीबोरी, डिगडोह, कळमेश्वर-ब्राह्मणी, कामठी, कांद्री-कन्हान, काटोल, खापा, कोंढाळी, महादुळा, मोहपा, मौदा, नरखेड, निलडोह, पारशिवणी, रामटेक, सावनेर, उमरेड, वानाडोंगरी, बिडगाव-तरोडी (खु) पांढुर्णा, गोधणी (रेल्वे), कन्हान-पिपरी, मोवाड, वाडी, येरखेडा) आणि वर्धा जिल्ह्यातील आर्वी, देवळी, हिंगणघाट, पुलगाव, सिंदी रेल्वे, वर्धा या नगरपरिषद/नगरपंचायतींचा समावेश आहे.
ही सार्वजनिक सुट्टी संबंधित मतदारसंघाच्या क्षेत्रातील जे मतदार कामासाठी त्या त्या मतदार संघाच्या बाहेर असतील त्यांना लागू राहील. त्याचप्रमाणे नगरपरिषद व नगरपंचायत क्षेत्रातील केंद्र शासनाच्या शासकीय कार्यालये, निमशासकीय कार्यालये, सार्वजनिक उपक्रम, बँका इत्यादींना ही सार्वजनिक सुट्टी लागू राहील, असे सामान्य प्रशासन विभागाने अधिसूचनेद्वारे जाहीर केले आहे.
काही मतदारसंघातील सार्वजनिक सुट्टी रद्द
नगरपरिषदा आणि नगरपंचायतीच्या सार्वत्रिक निवडणुकांसाठी २ डिसेंबर २०२५ रोजी मतदान होत आहे. यापूर्वी मतदानाच्या दिवशीची जाहीर केलेली सुट्टी काही मतदारसंघात न्यायालयीन अपील दाखल झाल्यामुळे केवळ त्या मतदारसंघापुरती रद्द करण्यात आली आहे. स्थानिक स्वराज्य संस्थेच्या निवडणुकीसाठी २ डिसेंबर २०२५ रोजी १६ जिल्ह्यांतील नगरपरिषद/नगरपंचायतीमध्ये सार्वजनिक सुट्टी रद्द करण्यात आली आहे. यात ठाणे जिल्ह्यातील अंबरनाथ, अहिल्यानगर (कोपरगाव, देवळाली प्रवरा, पाथर्डी, नेवासा), पुणे (बारामती, फुरसुंगी-उरुळी देवाची), सोलापूर (अनगर, मंगळवेढा), सातारा (महाबळेश्वर, फलटण), छत्रपती संभाजीनगर (फुलंब्री), नांदेड (मुखेड, धर्माबाद), लातूर (निलंगा, रेणापूर), हिंगोली (वसमत), अमरावती (अंजनगावसूर्जी), अकोला (बाळापूर), यवतमाळ (यवतमाळ), वाशिम (वाशिम), बुलढाणा (देऊळगावराजा), वर्धा (देवळी) आणि चंद्रपूर जिल्ह्यातील घुग्गुस यांचा समावेश आहे, असे सामान्य प्रशासन विभागाने कळविले आहे.