Pune Crime : मैत्रिणीची हत्या करून तरुणाची आत्महत्या! पुण्यात दुहेरी हत्याकांड; संगमवाडी परिसरात थरार, तरुणाचे खळबळजनक पाऊल

पुणे : पुणे शहरात गेल्या काही दिवसांपासून गुन्हेगारीच्या घटनांमध्ये मोठी वाढ झाल्याचे दिसून येत आहे. हत्या, मारामारी, गुंडागर्दी आणि 'कोयता गँगची' दहशत अशा घटनांनी पुणेकर त्रस्त आहेत. दरम्यान, आता पुन्हा एकदा पुण्याला हादरवणारी एक अत्यंत धक्कादायक घटना समोर आली आहे. मिळालेल्या माहितीनुसार, एका तरुणाने आधी एका तरुणीची हत्या केली आणि त्यानंतर त्याने स्वत: देखील आत्महत्या केल्याचा धक्कादायक प्रकार पुण्यातून समोर आला आहे. या दुहेरी घटनेने शहरात खळबळ उडाली आहे. या तरुणाने तरुणीची हत्या नेमक्या कोणत्या कारणातून केली, हे अद्याप स्पष्ट होऊ शकलेले नाहीये. प्रेमसंबंधातून हा प्रकार घडला असावा, असा प्राथमिक अंदाज व्यक्त केला जात आहे. या प्रकरणात सखोल चौकशी सुरू असल्याची माहिती पुणे पोलिसांकडून देण्यात आली आहे. पुणे पोलिसांनी नागरिकांना शांतता राखण्याचे आणि पोलिसांना सहकार्य करण्याचे आवाहन केले आहे.



नेमकं काय प्रकरण ?


पुणे शहरातून एक अत्यंत धक्कादायक आणि खळबळजनक घटना समोर आली आहे. एका तरुणाने आपल्या मैत्रिणीची निर्घृण हत्या करून त्यानंतर स्वतःचे जीवनही संपवल्याने शहरात तणावाचे वातावरण आहे. मिळालेल्या माहितीनुसार, गणेश काळे (वय २८) नावाच्या तरुणाने पुण्यातील संगमवाडी परिसरात आपल्या मैत्रिणीची हत्या केली. त्यानंतर, त्याने तळेगाव येथे जाऊन स्वतःही आत्महत्या केली. हत्या झालेली तरुणी आणि आरोपी तरुण गणेश काळे हे दोघेही पुण्यातील रुबी हॉल रुग्णालयात कामाला होते. आरोपी तरुण गणेश काळे हा मूळ बीडचा रहिवासी होता, तर मृत तरुणी पुण्यातीलच रहिवासी होती. ते दोघेही एकाच ठिकाणी नोकरीला असल्याने त्यांची मैत्री होती. पोलिसांनी व्यक्त केलेल्या प्राथमिक अंदाजानुसार, दोघांमध्ये गेल्या काही दिवसांपूर्वी काही कारणांवरून वाद झाला होता. याच प्रेमसंबंधातील वादातून गणेश काळेने हे टोकाचे पाऊल उचलले आणि हे हत्याकांड घडवले असावे. या प्रकरणाचे मूळ कारण आणि सखोल माहिती जाणून घेण्यासाठी पोलीस सध्या कसून चौकशी करत आहेत.

Comments
Add Comment

IMD Weather Update : हाय अलर्ट जारी! 'डिटवाह' चक्रीवादळामुळे पुढील ४८ तास धोक्याचे; अनेक राज्यांमध्ये अतिमुसळधार पावसाचा इशारा

यंदा देशासह महाराष्ट्रात पावसाने धुमाकूळ घातल्याचे पाहायला मिळाले. संपूर्ण देशभरात सरासरीपेक्षा अधिक पाऊस

हिंजवडी-वाघोली वाहतूक कोंडीला ब्रेक; PMRDAचा नवा मास्टरप्लॅन जाहीर

पुणे : पुणे महानगर प्रदेशातील वाढत्या वाहतूक कोंडीवर नियंत्रण आणण्यासाठी PMRDA ने मोठी पावले उचलली आहेत. हिंजवडी,

महापरिनिर्वाण दिनानिमित्त मध्य रेल्वेच्या विशेष अनारक्षित गाड्या

मुंबई : मध्य रेल्वेने महापरिनिर्वाण दिनानिमित्त आंबेडकरी अनुयायांसाठी ४ डिसेंबर ते ८ डिसेंबरपर्यंत १५ विशेष

गोंदिया जिल्ह्यात बिबट्याचा कहर; शेतात गेलेल्या ९ वर्षीय रुचीचा उपचारादरम्यान मृत्यू

गोंदिया : गोंदिया जिल्ह्यात बिबट्याच्या वाढत्या हालचालींमुळे लोकांमध्ये तीव्र भीतीचे वातावरण निर्माण झाले

Nagarparishad Election : अवघे काही तास शिल्लक... अन् निवडणूक आयोगाचा महत्त्वाचा निर्णय; 'या' तीन नगरपरिषदांच्या निवडणुकीला स्थगिती

बारामती : राज्यातील नगरपरिषद आणि नगरपंचायत निवडणुकांच्या प्रचाराची रणधुमाळी आता अंतिम टप्प्यात पोहोचली आहे. आज,

रोहिणी खडसेंच्या कार्यक्रमात महिलांची हाणामारी

जालना : राज्यात नगरपालिका आणि नगरपंचायतींच्या निवडणुकीच्या प्रचाराचा धुरळा उडत आहे. अनेक नेते प्रचारसभा आणि