पुणे : छत्रपती संभाजीनगर शहरातील सिडको एमआयडीसी पोलीस ठाण्याच्या विशेष पथकाने अमली पदार्थ तस्करीविरोधात धडक कारवाई करत आंध्र प्रदेशातून विक्रीसाठी आणलेला मोठा गांजाचा साठा जप्त केला आहे. या कारवाईत पोलिसांनी एका आरोपीला बेड्या ठोकल्या असून, त्याच्याकडून सुमारे ३१ लाख ७२ हजार रुपयांचा मुद्देमाल हस्तगत केला आहे.
गुप्त माहितीच्या आधारे सापळा
मुंबई : मुंबईकरांचा प्रवास अधिक सुरक्षित आणि सुखकर करण्यासाठी मध्य रेल्वेच्या ताफ्यात सोमवारी स्वयंचलित दरवाजांची पहिली 'नॉन-एसी' लोकल दाखल झाली. ...
पोलिसांना गोपनीय बातमीदारामार्फत माहिती मिळाली होती की, नारेगाव परिसरातील छत्रपती नगर, काकडे संकुल भागात गांजाची मोठी खेप येणार आहे. या माहितीची खातरजमा करून पोलिसांनी या परिसरात सापळा रचला. यावेळी संशयास्पदरीत्या आढळलेल्या एका पांढऱ्या रंगाच्या चारचाकी वाहनाची झडती घेतली असता, पोलिसांना त्यामध्ये गांजाचा साठा मिळून आला.
३१ लाखांहून अधिकचा मुद्देमाल जप्त
या कारवाईत पोलिसांनी विदेश सुरेश माचरे (वय ३८ वर्षे, व्यवसाय-चालक) याला ताब्यात घेतले आहे. त्याच्या वाहनातून पोलिसांनी तब्बल ५३ किलो ४४१ ग्रॅम वजनाचा गांजा जप्त केला.या गांजाची किंमत सुमारे २६ लाख ७२ हजार ५० रुपये असून एकूण मुद्देमाल वाहन आणि गांजा मिळून ३१ लाख ७२ हजार ५० रुपये.
आंध्र प्रदेश कनेक्शन आणि पुढील तपास
प्राथमिक तपासात हा गांजा आंध्र प्रदेशातून तस्करी करून आणल्याचे समोर आले आहे. हा साठा कोठून आणला, यात आणखी कोणाचे हात गुंतले आहेत आणि शहरात हा गांजा कोणाला विकला जाणार होता, याचा तपास आता पोलीस करत आहेत. ही कारवाई सिडको एमआयडीसी पोलीस ठाण्याच्या विशेष पथकाने यशस्वी केली असून, सहाय्यक पोलीस निरीक्षक कैलास लहाने या प्रकरणाचा पुढील तपास करत आहेत.