मुंबई : मुंबईच्या धावपळीच्या जीवनात रोजच्या गर्दीतून बाहेर पडून निसर्गाच्या सान्निध्यात शांततेत वेळ घालवू इच्छिणाऱ्या मुंबईकरांसाठी एक आनंदाची आणि मोठी बातमी समोर आली आहे. कारण, याच शहरात लवकरच एक नवे पर्यटन स्थळ (New Tourist Spot) नागरिकांसाठी खुले होणार आहे. हे नवं पर्यटन स्थळ मुंबईकरांना त्यांच्या शहरातच प्रकृति आणि शांततेचा अनुभव देणार आहे. या उद्यानामुळे नागरिकांना आता दूरवर जाण्याची गरज नाही. शहरवासीयांना हवी असलेली निसर्गरम्य जागा आणि फिरण्यासाठी एक नवा पर्याय लवकरच उपलब्ध होणार आहे. हे नवे उद्यान नेमके कोणत्या भागात विकसित केले जात आहे आणि ते नागरिकांसाठी कधीपासून खुले होईल, याबद्दलची सविस्तर माहिती जाणून घेऊया.
गोराईमध्ये साकारले भव्य कांदळवन उद्यान
मुंबईतील नागरिकांसाठी आता निसर्गाच्या सान्निध्यात वेळ घालवण्यासाठी एक आकर्षक आणि नवे पर्यटन स्थळ लवकरच उपलब्ध होणार आहे. हे नवे स्थळ म्हणजे गोराई (Gorai) परिसरात उभारण्यात आलेले भव्य कांदळवन उद्यान (Mangrove Park) होय. या निसर्गरम्य कांदळवन उद्यानाचे काम आता अंतिम टप्प्यात आले आहे. त्यामुळे मुंबईकरांची प्रतीक्षा लवकरच संपणार असून, डिसेंबर महिन्यात हे उद्यान अधिकृतपणे पर्यटकांसाठी खुले होण्याची शक्यता आहे. हा महत्त्वाकांक्षी प्रकल्प मुंबई उपनगर जिल्हा नियोजन समितीने हाती घेतला आहे. या कांदळवन उद्यानाच्या उभारणीसाठी तब्बल ३० कोटी रुपये खर्च करण्यात आले आहेत. या भव्य खर्चातून निसर्गाचे संरक्षण करणारे तसेच पर्यटकांना आकर्षित करणारे एक सुंदर ठिकाण मुंबईकरांना मिळत आहे. हे उद्यान सुरू झाल्यावर मुंबईकरांना शहरापासून दूर न जाता, आपल्याच शहरात कांदळवनाचे महत्त्व आणि नैसर्गिक सौंदर्य जवळून अनुभवण्याची संधी मिळेल.
केरळ : महिलांच्या सुरक्षिततेवर पुन्हा एकदा प्रश्नचिन्ह निर्माण करणारी एक धक्कादायक आणि संतापजनक घटना केरळ राज्यातून समोर आली आहे. येथे एका धावत्या ...
गोराईतील कांदळवन उद्यानाची खासियत: ८०० मीटरचा खास 'लाकडी मार्ग'
या उद्यानाची सर्वात मोठी खासियत म्हणजे येथे सुमारे ८०० मीटर लांबीचा एक उंच लाकडी मार्ग (Wooden Walkway) तयार करण्यात आला आहे. या मार्गाला 'बोर्डवॉक' असेही म्हटले जाते. या लाकडी मार्गावरून चालत जाताना, पर्यटकांना कांदळवन आणि किनारी परिसंस्थेचे अद्भुत सौंदर्य अगदी जवळून अनुभवता येणार आहे. मुंबईतील शहराच्या गोंगाटातून काही क्षण बाहेर पडून, शुद्ध हवा आणि निसर्गाच्या शांत सान्निध्यात वेळ घालवण्याची एक अनमोल संधी मुंबईकरांना या माध्यमातून मिळणार आहे. हे उद्यान सुरू झाल्यावर ते मुंबईतील एक महत्त्वाचे शैक्षणिक आणि निसर्ग पर्यटन केंद्र बनेल, जिथे नागरिकांना कांदळवनाचे पर्यावरणातील महत्त्व कळेल.
रोजगार निर्मिती आणि पर्यावरण संवर्धनाचा संगम
या प्रकल्पामुळे स्थानिक रहिवाशांना मोठ्या प्रमाणात रोजगाराच्या संधी उपलब्ध होणार आहेत. उद्यानाची देखभाल, व्यवस्थापन आणि पर्यटन व्यवस्थापनाच्या कामांसाठी स्थानिक तरुणांना विशेष प्रशिक्षण दिले जाणार आहे. यामुळे पर्यावरण संवर्धनासोबतच स्थानिकांचे जीवनमान सुधारण्यास मदत होईल. या प्रकल्पामागचा मुख्य उद्देश कांदळवन आणि किनारी परिसंस्थेतील जैवविविधतेबद्दल जनजागृती निर्माण करणे हा आहे. यासाठी उद्यानात एक विशेष सुविधा उभारण्यात आली आहे. उद्यानात एक दोन मजली 'नेचर इंटरप्रिटेशन सेंटर' उभारण्यात आले आहे. या दोन मजली इमारतीत ग्रंथालय, कार्यशाळा कक्ष, माहिती केंद्र, ऑडिओ-व्हिज्युअल कक्ष या केंद्रात पर्यटक आणि विद्यार्थ्यांना निसर्गशास्त्र, पर्यावरण आणि जैवविविधतेविषयी सखोल माहिती मिळू शकेल. हा प्रकल्पामुळे उत्तर मुंबईतील हरित क्षेत्रात लक्षणीय वाढ होणार आहे. निसर्ग संवर्धनाच्या दृष्टीने, हे गोराई कांदळवन उद्यान लवकरच मुंबईतील एक महत्त्वाचे आणि शैक्षणिक आकर्षण ठरणार आहे.