प्रतिनिधी: आयडीबीआय बँक लिमिटेडने शनिवारी आपली आर्थिक माहिती प्रदर्शित केली आहे.त्यातील माहितीनुसार बँकेने दुसऱ्या तिमाहीत अभूतपूर्व कामगिरी केली आहे.बँकेच्या एकूण व्यवसायात इयर ऑन इयर बेसिसवर १२% वाढ नोंदवली आहे जी ३० सप्टेंबर २०२५ पर्यंत ५३३८३९ कोटी रूपये आहे. जी गेल्या वर्षीच्या याच कालावधीत ४७८५४७ कोटी होती.एक्सचेंज फायलिंगमध्ये दिलेल्या माहितीनुसार, सप्टेंबर २०२५ पर्यंत एकूण ठेवी वार्षिक आधारावर ९% वाढून ३०३५३१ कोटी झाल्या आहेत, जी गेल्या वर्षी च्या २७७६०२ कोटी होती.बँकेच्या कमी किमतीच्या कासा (CASA) ठेवी १३९०५६ कोटी होत्या, जी सप्टेंबर २०२४ मध्ये १३३६३९ कोटी होती, जी ४% वाढ दर्शवते. सप्टेंबर २०२५ पर्यंत निव्वळ कर्ज (Net Loan) १५% वाढून २३०३०८ कोटी झाले, जे गेल्या वर्षीच्या याच कालावधीत २००९४४ कोटी होते.
पहिल्या तिमाहीत बँकेचा निव्वळ नफा (Net Profit) गेल्या वर्षीच्या तुलनेत १६.८% वाढून २००७.४ कोटी रूपये झाला आहे,जो मागील वर्षीच्या याच कालावधीतील १७१९.३ कोटी होता. या तिमाहीतील निव्वळ व्याज उत्पन्न (Net Interest Income NII) २% घ टून ३१६५.८ कोटी झाले. पहिल्या तिमाहीतील निव्वळ व्याज उत्पन्न (NII)३२३२.८ कोटी झाले होते.मार्च तिमाहीतील मालमत्ता गुणवत्तेचा ट्रेंड मिश्रित आहे. या तिमाहीत एकूण एनपीए (NPA) मार्चमधील २.९८% वरून २.९३% वर आला आहे, तर निव्वळ एनपी ए (NPA) मार्चमधील ०.१५% वरून ०.२१% वर आला आहे.आयडीबीआय बँकेचा मालमत्तेवरील परतावा (आरओए) २.०१% पर्यंत वाढला, जो गेल्या वर्षीच्या याच तिमाहीच्या तुलनेत १८ बेसिस पॉइंट्सने वाढला. या तिमाहीतील निव्वळ व्याज मार्जिन मागील वर्षी च्या ४.१८% वरून ५० बेसिस पॉइंट्सने कमी होऊन ३.६८% झाला आहे. काल शुक्रवारी आयडीबीआयचा शेअर एनएसईवर ०.२७% उसळत ९२.६० रूपयांवर स्थिरावला आहे.
