Lalbaugcha Raja Visarjan: लालबागचा राजा विसर्जनासाठी गिरगाव चौपाटीवर दाखल, अनंत अंबानीची उपस्थिती, पहा VIdeo

मुंबई: मुंबईतील अनेक मानाच्या गणपतींचे विसर्जन काल जल्लोषात पार पडले. लालबागचा राजाचे विसर्जन (Lalbaugcha Raja Visarjan 2025) अद्याप बाकी आहे. लालबागचा राजा आता गिरगाव चौपाटीवर दाखल झाला असून, प्रसिद्ध उद्योगपती मुकेश अंबानी यांचे धाकटे चिरंजीव आणि लालबागचा राजा गणेशोत्सव मंडळाचे मानद सदस्य अनंत अंबानी (Anant Ambani) तिथे पोहोचले आहेत. लालबागच्या राजाला निरोप देण्यासाठी हजारोंच्या संख्येने जनसमुदाय गिरगाव चौपाटीवर दाखल झालेला यावेळी दिसून आला.



लालबागच्या राजाचा रथ ओढतानाचे आणि विसर्जनासाठी घेऊन जातानाचे अनेक व्हिडिओ सोशल मिडियावर प्रदर्शित होत आहे.
आता थोड्याचवेळात मुंबईचा सर्वात प्रतिष्ठित आणि मानाचा गणपती लालबागचा राजाला तराफ्यावर बसवून विसर्जनासाठी समुद्रात नेला जाईल. यादरम्यान मंडळाचे काही निवडक सदस्य आणि अनंत अंबानी तराफ्यावर असतील.