दापोलीत मुसळधार पाऊस, मुरुडमध्ये पाणी भरलं, 20 ते 25 घरांचा संपर्क तुटला, खेड दापोली रस्ता बंद

दापोली शहरात सुरू असलेल्या अतिवृष्टीमुळे अनेक भागांत पाणी साचण्याची स्थिती निर्माण झाली आहे. शहरातील नाले तुडुंब भरल्यामुळे नाल्याचे पाणी रस्त्यावर आलं असून, नागरिक आणि वाहनचालकांना मोठ्या अडचणींचा सामना करावा लागत आहे.विशेषतः दापोली एसबीआय बँकेसमोरच्या परिसरात पाणी साचले असून, रस्त्यावरून वाहतूक करताना वाहनचालकांची कसरत होत आहे. अनेक दुचाकी आणि चारचाकी वाहनांनी पाण्यात अडखळल्याची दृश्ये पाहायला मिळत आहेत.

दापोली तालुक्यातील मुरुड येथील लक्ष्मीनारायण मंदिर ते कर्दे याजवळ रस्त्यावरील जवळजवळ वीस ते पंचवीस घरांचा संपर्क तुटला आहे.नागरिकांनी पावसाचा इशारा व आज देण्यात आलेला रेड अलर्ट लक्षात घेऊन आवश्यकता असल्यास घराबाहेर पडावे, तसेच आपल्या भागात परिसरात पाणी भरल्यास कोणतीही मदत लागल्यास आपत्कालीन परिस्थितीत गावातील पोलीस पाटील, तलाठी, सर्कल यांना संपर्क करावा असा आवाहन दापोली तहसीलदार यांनी केल आहे. दापोलीमधील बुरोंडी गावात पूर आला असून जनजीवन विस्कळीत झालं आहे घरांमध्ये पाणी शिरला असून मदतीची मागणी केलीय.

दापोली प्रशासन आणि बुरोंडी ग्रामपंचायतकडे मदतीची मागणी नागरिकांनी केली आहे.दाभोळ दापोलीमध्ये सुरु असलेल्या मुसळधार पावसामुळे दाभोळ-दापोली मार्गावरील मुख्य रस्त्यावरील नानटे पुलावरून पाणी वाहत असल्यामुळे वाहतूक पूर्णतः ठप्प झाली आहे. मुख्य रस्ता बंद असल्याने नागरिक आणि वाहनचालकांना मोठ्या अडचणींचा सामना करावा लागत आहे.

पाण्याचा प्रवाह वेगवान असल्यामुळे रस्ता तात्पुरता बंद आहे. तसेच, दापोली तहसीलदार कार्यालयाच्या आसपासच्या परिसरात देखील पाणी साचल्यामुळे कामकाजावर परिणाम झाला आहे. कार्यालयात ये-जा करणाऱ्या नागरिकांना अडचणींचा सामना करावा लागत आहे. स्थानिक प्रशासन व आपत्कालीन यंत्रणा परिस्थितीवर लक्ष ठेवून आहेत. नागरिकांनी अनावश्यक प्रवास टाळावा व अधिकृत सूचनांचे पालन करावे, असे आवाहन करण्यात आले आहे.

दापोली आणि खेड शहरात सुरू असलेल्या मुसळधार पावसामुळे दापोली आणि खेड रोडवर मोठ्या प्रमाणावर पाणी साचले आहे. पाण्याचा प्रवाह इतका वेगवान आहे की प्रशासनाने खबरदारीचा उपाय म्हणून रस्ता तात्पुरता बंद केला आहे.पाण्यामुळे रस्त्यावरील वाहतूक पूर्णपणे ठप्प झाली आहे. वाहनचालक आणि प्रवाशांनी या मार्गाचा वापर टाळण्याचे आवाहन करण्यात आले आहे. पर्यायी मार्गांचा वापर करण्यास सांगण्यात आले असून, आपत्कालीन सेवा आणि प्रशासन सतर्क आहे. नागरिकांनी हवामान खात्याच्या आणि स्थानिक प्रशासनाच्या सूचनांचे पालन करावे, असे आवाहन करण्यात आले आहे.
Comments
Add Comment

Rain Alert : दिवाळीच्या उत्साहात पावसाचं विघ्न? मुंबई-कोकण किनारपट्टीवरील हवामान बदलणार, कसा असेल अंदाज?

मुंबई : महाराष्ट्रासह देशातील बहुतांश राज्यांतून मान्सूनने आता माघार घेतली असली तरीही, अनेक ठिकाणी अद्याप

दिवाळीच्या सुट्टीत मुंबई-गोवा महामार्ग ठप्प! प्रवाशांचा खोळंबा; 'खड्ड्यांतील प्रवास कधी थांबणार?'

मुंबई/महाड: दिवाळीच्या सुट्ट्या तोंडावर आल्या असतानाच मुंबई-गोवा राष्ट्रीय महामार्गावर (NH-66) आज, १७ ऑक्टोबर रोजी

IRCTC Website Crash : ऐन दिवाळीच्या तोंडावर रेल्वे प्रवाशांना मोठा फटका! तिकीट बुक होता होईना, IRCTC वेबसाइट आणि ॲप अचानक ठप्प

दिवाळीच्या तोंडावर प्रवाशांची मोठी गैरसोय दिवाळीच्या काळात गावी जाणाऱ्या लाखो प्रवाशांना आज एक मोठी तांत्रिक

सिंधुदुर्गात एसटी बसच्या संख्या वाढवा

मंत्री प्रताप सरनाईक यांचे निर्देश सिंधुदुर्ग जिल्ह्यात राज्य परिवहन महामंडळाच्या पायाभूत सुविधांचे

सिंधुदुर्गात वाड्या, रस्त्यांच्या जातीवाचक नावांऐवजी आता महापुरुषांची नावे

नावे बदलणारा राज्यातील पहिला जिल्हा कणकवली : सिंधुदुर्ग जिल्ह्यातील १९२ वस्त्यांची आणि २५ रस्त्यांची जातीवाचक

गुहागर-विजापूर राष्ट्रीय महामार्ग भूसंपादन मोबदला प्रक्रियेत सावळागोंधळ

चिपळूण : गुहागर-विजापूर राष्ट्रीय महामार्गाच्या भूसंपादन प्रक्रियेत मोठ्या प्रमाणात शेतकऱ्यांच्या जमिनी,