या अहवालातील माहितीवर अदानी समुहाने स्पष्टपणे नाराजी प्रकट करत म्हटले आहे की,'अदानी ग्रुप आणि चिनी कंपन्या BYD आणि बीजिंग वेलियन न्यू एनर्जी टेक्नॉलॉजी यांच्यात करार झाल्याचे सूचित करणारा ब्लूमबर्गचा ४ ऑगस्ट २०२५ रोजीचा अहवाल आम्ही स्पष्टपणे नाकारतो. हा अहवाल निराधार, चुकीचा आणि दिशाभूल करणारा आहे.' असे अदानी एंटरप्रायझेसने स्पष्ट केले आहे. आज छापलेल्या कथित अहवालात अदानी समुह चीनी कंपनीशी हातमिळवणी करत बॅटरी उत्पादन प्रकल्प सुरू करण्याची शक्यता असून स्वच्छ उर्जा क्षेत्रासाठी नवी मोहिम हाती घेण्याची शक्यता आहे.
अदानी समूहाने पुढील पाच वर्षांत जवळजवळ १०० अब्ज डॉलर्सच्या भांडवली खर्चाच्या गुंतवणुकीची तयारी करत असल्याचे म्हटले होते. समूह थर्मल आणि नूतनीकरणक्षम उत्पादन,ट्रान्समिशन, वितरण, एलएनजी, एलपीजी, सीएनजी, पीएनजी, बॅटरी स्टोरेज, हायड्रोजन ट्रक,ईव्ही चार्जिंग स्टेशन, पंप्ड हायड्रो आणि खाणकाम यांचा समावेश असलेला सर्वात उच्च एकात्मिक ऊर्जा व्यवसाय (Integrated Energy Business) चालवतो. हा समूह भारतातील दुसऱ्या क्रमांकाचा सर्वात मोठा आणि सर्वात कार्यक्षम सिमेंट उत्पादक आहे, तसेच एरोस्पेस आणि संरक्षण, डेटा सेंटर आणि रिअल इस्टेटमध्ये समुह कार्यरत असून भारतातील प्रमुख ३ श्रीमंत व्यवसायिकात गौतम अदानी यांचे नाव येते.