कुलगाम: जम्मू-काश्मीरमधील कुलगाममध्ये ३ दिवसांपासून लष्कराचे ऑपरेशन अखल सुरू आहे. याद्वारे एके-४७ रायफल, एके मॅगझिन आणि ग्रेनेडसह शस्त्रे आणि दारूगोळा जप्त करण्यात आले असून, आतापर्यंत ३ दहशतवादी ठार झाल्याचे वृत्त आहे.
कुलगामच्या अखल भागात सुरक्षा दल आणि दहशतवाद्यांमध्ये गोळीबार सुरू आहे. वेढलेल्या जंगलात आणखी २-३ दहशतवादी दडून बसल्याचा अंदाज आहे. या ऑपरेशन अंतर्गत, जम्मू-काश्मीरमधील कुलगाममध्ये आणखी एक दहशतवादी ठार झाला आहे. ज्याचे नाव हरीस नजीर डार (टीआरएफ) असे असल्याचे म्हंटले जात आहे. त्यानुसार, आतापर्यंत एकूण ३ दहशतवादी ठार झाले आहेत. सूत्रांचे म्हणणे आहे की इथे ५ दहशतवाद्यांची टोळी होती, ज्यामधील २ दहशतवादी अजूनही जीवंत आहे.
या भागात दहशतवादी असल्याची गुप्त माहिती मिळाल्यानंतर सुरक्षा दलांनी शुक्रवारी (१ ऑगस्ट २०२५) जंगलात घेराबंदी आणि शोध मोहीम सुरू केली होती. जंगलाच्या आडून लपलेल्या दहशतवाद्यांच्या एका गटाने सुरक्षा दलांवर गोळीबार केला, त्यानंतर चकमक सुरू झाली. सुरुवातीच्या गोळीबारानंतर शुक्रवारी रात्री ही कारवाई थांबवण्यात आली. शनिवारी पुन्हा सुरू झाली, ज्यामध्ये सुरक्षा दलांनी आतापर्यंत ३ दहशतवाद्यांना ठार मारले आहे.
एके-४७ रायफल, ग्रेनेड आणि दारूगोळा जप्त
या कारवाईदरम्यान एके-४७ रायफल, एके मॅगझिन आणि ग्रेनेडसह शस्त्रे आणि दारूगोळा जप्त करण्यात आला. भारतीय लष्कराच्या चिनार कॉर्प्सने एक्स वर तैनात केलेल्या माहितीनुसार सुरक्षा दलांनी आतापर्यंत एका दहशतवाद्याला ठार मारले आहे. ही कारवाई सुरूच आहे. एसओजी, जम्मू आणि काश्मीर पोलिस, सैन्य आणि सीआरपीएफ एकत्रितपणे ही कारवाई करत आहेत.