पुणे: पुण्यातील उच्चभ्रू सोसायटी रेव्ह पार्टी प्रकरणात पोलिसांनी मारलेल्या छापेमारीत एकनाथ खडसे यांचे जावई प्रांजल खेवलकरला अटक करण्यात आली.त्यांच्या अटकेनंतर राजकीय आणि सामाजिक वर्तुळात प्रचंड चर्चा पाहायला मिळाली. इतकेच नव्हे तर प्रांजल खेवलकर यांच्यावर अमली पदार्थ सोबत बाळगण्याबरोबरच इतरही काही थेट गंभीर आरोप करण्यात आले आहे. शिवाय या संदर्भातले ठोस पुरावे देखील सादर झाले असल्याकारणामुळे, खडसेंच्या जावयाचा पाय आणखीनच गाळात रुतत चालला असल्याचे दिसून येत आहे. मात्र, आपल्या पतीला वाचवण्यासाठी रोहिणी खडसे प्रयत्न करत असून, आपल्या वकिली शिक्षणाच्या आधारे, प्रांजल खेवलकरच्या समर्थनार्थ शक्य ते प्रयत्न करीत आहेत. त्यातलाच एक भाग म्हणून, रोहिणी खडसे आताच शरद पवारांच्या भेटीला पोहोचल्या आहेत.
पुण्यातील खराडी भागात प्रांजल खेवलकर आणि त्यांच्या साथीदारांची रेव्ह पार्टी सुरू होती, आणि रूम देखील खेवलकरांच्या नावानेच बुक करण्यात आली. या पार्टीतून पोलिसांना कोकेन आणि गांजा मिळालाय. यासोबतच दारूच्या देखील पोलिसांनी पार्टीतून जप्त केली. या पार्टीतील काही फोटो आणि व्हिडीओ देखील पुढे आले आहेत. सध्या रेव्ह पार्टी प्रकरणी सात जण कोठडीत असून त्यांना पुणे कोर्टाने न्यायालयीन कोठडी सुनावली आहे.
रोहिणी खडसे यांनी घेतली शरद पवारांची भेट
पती प्रांजल खेवलकर हा न्यायालयीन कोठडीत असताना आता रोहिणी खडसे या थेट शरद पवारांच्या भेटीसाठी पोहोचल्या आहेत. प्रांजल खेवलकरचा जामिनासाठीचा मार्ग मोकळा झाला आहे. हेच नाही तर कालच खेवलकरांच्या जामिनासाठी कोर्टात अर्ज दाखल केला जाईल, असे बोलले जात होते.
एकनाथ खडसेंचे पुणे पोलिसांवर गंभीर आरोप
रेव्ह पार्टी प्रकरणात एकनाथ खडसे यांच्याकडून पुणे पोलिसांवरच गंभीर आरोप करण्यात आले. पुणे पोलिसांच्या विरोधात आपण कोर्टात जाणार असल्याचे त्यांनी म्हटले. पुणे पोलिस कोणाच्यातरी सांगण्यावरून काम करत असल्याचे त्यांनी स्पष्ट म्हटले. यादरम्यान आमदार रोहित पवार यांनी देखील पुणे पोलिसांवर आरोप केली.