मुंबई: बॉलीवूडमधील प्रसिद्ध गायक आणि गीतकार यासेर देसाई याने मुंबईच्या बांद्रा-वरळी सी लिंकवर स्टंट करत शूट केलेल्या व्हिडिओमुळे वाद निर्माण झाला आहे. मंगळवारी (दि.८) संध्याकाळी ही कारवाई करण्यात आली.
व्हायरल झालेल्या व्हिडिओमध्ये यासर देसाई आपल्या गाडीतून उतरताना, सी लिंकच्या रेलिंगवर चढताना दिसतो आहे. हा व्हिडिओ सोशल मीडियावर मोठ्या प्रमाणावर व्हायरल झाला, त्यानंतर पोलिसांनी तत्काळ दखल घेतली. मुळात सी लिंकवर स्टंट्स करण्यास सक्त मनाई आहे. याशिवाय पोलिसांनी सांगितले की, अशा प्रकारच्या कृती सार्वजनिक सुरक्षिततेसाठी धोकादायक आहेत आणि यामध्ये गुन्हा झालेला आहे. पोलिसांनी सीसीटीव्ही फुटेज आणि सी लिंक देखरेख करणाऱ्या अधिकाऱ्यांकडून मिळालेल्या माहितीच्या आधारे यासेर देसाई आणि त्याचा सहकारी, ज्याने व्हिडिओ शूट केला होता, यांच्याविरोधात एफआयआर नोंदवला. बांद्रा पोलिसांनी यासेरविरोधात भारतीय न्याय संहिता (बीएनएस) कलम २८५, २८१, आणि १२५ अंतर्गत एफआयआर दाखल केला आहे. पोलिस या प्रकरणी कारवाई करत आहेत.
पोलिस अधिकारी म्हटले की, “आम्ही गाडीच्या नोंदणी तपशीलांवरून देसाईचा पत्ता शोधण्याचा प्रयत्न करत आहोत. एकदा त्याचा शोध लागला की, त्याचे जबाब नोंदवले जाईल आणि त्याला कायदेशीर नोटीस बजावली जाईल.”हा प्रकार हा केवळ कायद्याचे उल्लंघन नसून, लोकांच्या सुरक्षेशी संबंधित गंभीर बाब आहे असे पोलिसांकडून सांगण्यात आले आहे.गायक यासेर देसाईने हिंदी सिनेसृष्टीत अनेक गाणी गायली आहेत. २०१६ साली आलेल्या 'बेईमान लव' सिनेमातील गाण्यातून त्याने करिअरला सुरुवात केली. 'ड्राईव्ह'मधलं 'मखना','शादी मे जरुर आना' सिनेमातलं 'जोगी', आणि 'पल्लो लटके', 'गोल्ड' मधलं 'नैनो ने बांधी ऐसी डोर' ही गाणी गायली आहेत.