पराभवाची चाहूल लागताच संतापला इंग्रज, DRS वरुन पंचांवर भडकला बेन स्टोक्स

  85

बर्मिंगहॅम : भारत आणि इंग्लंड यांच्यात एजबॅस्टन बर्मिंगहॅम येथे सुरू असलेल्या कसोटी सामन्यात इंग्लंडला पराभवाची चाहूल लागली आहे. यामुळे इंग्लंडच्या खेळाडूंची चिडचिड सुरू झाली आहे. इंग्लंडचा कर्णधार आणि वेगवान गोलंदाज बेन स्टोक्स याने DRS चे निमित्त करुन मैदानातील पंचांवर राग काढला.

पाच कसोटी सामन्यांची मालिका

भारत आणि इंग्लंड यांच्यात पाच कसोटी सामन्यांची इंग्लंडमध्ये सुरू आहे. इंग्लंडने हेडिंग्ले, लीड्स येथे झालेली पहिली कसोटी पाच गडी राखून जिंकली. आता दुसरी कसोटी एजबॅस्टन बर्मिंगहॅम येथे सुरू आहे. या कसोटीत तिसऱ्या दिवसअखेर भारत २४४ धावांनी आघाडीवर आहे. बर्मिंगहॅमच्या कसोटीत प्रथम फलंदाजी करणाऱ्या भारताने पहिल्या डावात सर्वबाद ५८७ धावा केल्या. इंग्लंडने त्यांच्या पहिल्या डावात सर्वबाद ४०७ धावा केल्या. भारताने दुसऱ्या डावात तिसऱ्या दिवसाचा खेळ संपेपर्यंत एक बाद ६४ धावा केल्या. यामुळे बर्मिंगहॅमच्या कसोटीत भारताचे पारडे जड दिसत आहे.

पंचांवर भडकला बेन स्टोक्स

भारताच्या दुसऱ्या डावात यशस्वी जयस्वाल आणि केएल राहुल यांनी छान सुरुवात केली. पण यशस्वी जयस्वाल २८ धावा करुन बाद झाला. याआधी यशस्वी जयस्वाल आणि केएल राहुल ही जोडी लवकर फुटत नसल्याचे बघून बेन स्टोक्स अस्वस्थ झाला होता. भारताच्या दुसऱ्या डावात आठव्या षटकात जोश टोंगचा चेंडू यशस्वी जयस्वालच्या पॅडला लागला. इंग्लंडच्या खेळाडूंनी अपील केले. पंच शरफुद्दौला यांनी अपील स्वीकारत यशस्वी जयस्वाल बाद असल्याचा निर्णय दिला. हा निर्णय येताच यशस्वी जयस्वाल आणि केएल राहुल यांनी आपापसात चर्चा केली. नंतर यशस्वी जयस्वालने रिव्ह्यू मागितला. पंचांनी रिव्ह्यू मागायची परवानगी दिली. पण रिव्ह्यू मागण्यासाठी असलेला उपलब्ध असलेला १५ सेकंदांचा कालावधी संपला असल्याचे सांगत बेन स्टोक्सने पंचांच्या निर्णयावर नाराजी व्यक्त केली. तो पंचांवर भडकला. इंग्लंडच्या प्रेक्षकांनी पंचांविरोधात बोंबाबोंब सुरू केली. पण रिव्ह्यूला परवानगी मिळाली होती म्हणून तिसऱ्या पंचांनी वेगवेगळ्या कॅमेऱ्यांच्या मदतीने नेमके काय घडले ते तपासले. अखेर तिसऱ्या पंचांनी मैदानावरील पंचांचा निर्णय कायम ठेवला. यानंतर बेन स्टोक्सचा दावा खरा होता का याचीही तपासणी झाली, त्यात स्टोक्सच्या दाव्यात तथ्य आढळले. अखेर बाद झालेला यशस्वी जयस्वाल मैदानाबाहेर गेला. नंतर केएल राहुल आणि करुण नायर यांनी दिवसाचा खेळ संपेपर्यंत आणखी पडझड होणार नाही याची खबरदारी घेतली.
Comments
Add Comment

Dream11 OUT Team India Sponsorship : ऑनलाइन गेमिंग कायद्याचा फटका; BCCI ला तब्बल ११९ कोटींचा दणका, सरकारच्या निर्णयामुळे Dream११ मागे

मुंबई : भारत सरकारने अलीकडेच ऑनलाइन गेमिंग कायदा लागू केला आहे. या कायद्यानुसार पैशांच्या आधारे खेळल्या

Pujara Retirement : टीम इंडियामधून ९ महिन्यांत ४ दिग्गजांनी घेतली निवृत्ती

मुंबई: भारतीय क्रिकेट संघात गेल्या काही महिन्यांपासून निवृत्तीची त्सुनामी आल्याचे चित्र आहे. गेल्या ९

Virat Kohli Comeback: विराट कोहली धमाकेदार पुनरागमनासाठी सज्ज! लॉर्ड्स क्रिकेट ग्राउंडवर सराव करताना दिसला

लॉर्ड्स : टीम इंडियाचा माजी कर्णधार विराट कोहली सध्या आंतरराष्ट्रीय क्रिकेटपासून दूर आहे. इंडियन प्रीमियर लीग (IPL)

भारत-पाकिस्तान सामन्यांबाबत भारत सरकारची कठोर पाऊले, आशिया कपबद्दलही महत्त्वाचा निर्णय

नवी दिल्ली: भारत सरकारने भारत-पाकिस्तान क्रीडा सामन्यांबाबत कठोर भूमिका घेतली आहे. भारतीय संघ पाकिस्तानमध्ये

Bronco Test काय आहे? भारतीय क्रिकेटपटूंना फिटनेसाठी आता द्यावी लागणार ही टेस्ट

नवी दिल्ली: भारतीय क्रिकेटमध्ये फिटनेसबाबत मोठा बदल करण्यात आला आहे. टीम इंडियाच्या वेगवान गोलंदाजांसाठी आता

दक्षिण आफ्रिकेच्या केशव महाराजची पहिल्या स्थानी झेप

नवी दिल्ली : आयसीसीने पुन्हा एकदा क्रमवारी जाहीर केली आहे. गेल्या आठवड्यात एकही कसोटी सामना झाला नाही, त्यामुळे