आमची स्पर्धा विकासकामांशी : आमदार निलेश राणे

पावशी येथे जिल्हास्तरीय शिवसेना मेळावा संपन्न


कुडाळ : पावशी येथील शांतादुर्गा मंगल कार्यालयामध्ये शिवसेनेचा जिल्हास्तरीय कार्यकर्ता मेळावा झाला. यावेळी आमदार निलेश राणे यांनी सांगितले की, आमची स्पर्धा कोणाशी नाही. कामांमध्ये आम्ही स्पर्धा करतो. काम जिंकलं पाहिजे. येणाऱ्या स्थानिक स्वराज्य निवडणुकीमध्ये आपले नेते व उपमुख्यमंत्री एकनाथ शिंदे यांना आनंद द्यायचा असेल तर, आपला भगवा झेंडा फडकला पाहिजे. त्यामध्ये शिवसेना जिंकली पाहिजे. त्यासाठी सर्वांनी मेहनत घेणे गरजेचे आहे.


आमच्या निवडणुकीमध्ये याच कार्यकर्त्यांनी रात्रंदिवस काम केलं आता त्यांच्या निवडणुकीमध्ये आम्हाला काम करणे क्रमप्राप्त आहे. कार्यकर्ता काही मागत नाही, पण आपण त्याला काही देणे गरजेचे आहे. निवडणुकीच्या माध्यमातून त्यांना आपले सहकार्य करणे गरजेचे आहे त्यासाठी आम्ही सर्व एकत्र आलो आहोत असे आमदार निलेश राणे यांनी सांगितले. येणाऱ्या स्थानिक स्वराज्य निवडणुकीच्या पार्श्वभूमीवर मंत्री या ठिकाणी आले आहेत.


कार्यकर्ते, पदाधिकारी यांना असणाऱ्या अडचणी ते समजून घेणार आहेत,असे सांगून या ठिकाणी शिवसेनेचे हे चित्र सहज उभे राहिलेले नाही. त्यासाठी अनेकांना अंगावर घ्यावे लागले आहे त्यामुळे संघटना किती मजबूत आहे. हे दिसत आहे, असेही आमदार निलेश राणे म्हणाले यावेळी मोठ्या प्रमाणावर प्रवेश सुद्धा घेण्यात आले.


यावेळी रोजगार हमी फलोत्पादन खारभूमी विकास मंत्री भरतशेठ गोगावले, उद्योग मंत्री तथा जिल्ह्याचे संपर्क मंत्री उदय सामंत, माजी शिक्षण मंत्री दीपक केसरकर, आमदार निलेश राणे, जिल्हाप्रमुख दत्ता सामंत, संजू परब, उपनेते संजय आंग्रे, महिला जिल्हाप्रमुख दीपलक्ष्मी पडते, निता कविटकर, माजी जिल्हा परिषद अध्यक्ष संजय पडते, जिल्हा सरचिटणीस दादा साईल, समन्वयक सचिन वालावलकर, कुडाळ नगराध्यक्ष प्राजक्ता बांदेकर, पावशी सरपंच वैशाली पावसकर कुडाळ तालुका प्रमुख विनायक राणे, ओरोस प्रमुख दीपक नारकर, मालवण शहर प्रमुख दीपक पाटकर, कुडाळ शहर प्रमुख ओंकार तेली, अशोक दळवी आदी शिवसैनिक मोठ्या संख्येने उपस्थित होते.

Comments
Add Comment

सिंधुदुर्ग -शिरोडा वेळागर समुद्रात नऊ पर्यटक बुडाले

तिघांचे मृतदेह हाती लागले असून, अन्य एकाचा शोध सुरू आहे शिरोडा : सिंधुदुर्ग जिल्ह्यामधील सिंधुदुर्ग -शिरोडा

संघाच्या शिस्तबद्ध संचलनात मंत्री नितेश राणे सहभागी; स्वयंसेवकांसोबत साजरा केला विजयादशमी उत्सव

देवगड (जि. सिंधुदुर्ग) : राष्ट्रीय स्वयंसेवक संघाला १०० वर्ष पूर्ण झाल्याच्या ऐतिहासिक प्रसंगी मंत्री नितेश राणे

सिंधुदुर्ग जिल्ह्यातील रस्ते होणार खड्डेमुक्त, मंत्री शिवेंद्रराजे भोसले यांच्याकडून निधी मंजूर

कणकवली (प्रतिनिधी) : सिंधुदुर्ग जिल्ह्यातील खड्डे बुजून रस्त्यांची डागडुजी करावी, रस्ते सुस्थितीत व्हावे,

कोकणातील महिला भजन मंडळाची अनोखी परंपरा

कुडाळ : कोकण म्हटलं की डोळ्यासमोर उभं राहतं ते दशावतारी नाटक, नमन आणि भजन. पण भजन म्हटलं की सर्वांना आठवतो तो

'त्या' लहान मुलीचा हट्ट आणि आमदार निलेश राणे खालीच बसले...

प्रत्येकाला आपले वाटणारे आमदार..! मालवण : महाराष्ट्राच्या राजकीय पटलावर आपल्या अभ्यासू, आक्रमक आणि कार्यतत्पर

करूळ घाटात कोसळली दरड, वाहतूक काही काळ ठप्प

वैभववाडी: तालुक्यात सुरू असलेल्या संततधार पावसामुळे करुळ घाटात दरड कोसळल्याने शुक्रवारी सायंकाळी या