'भारताला श्रेय नाही'... नेटिझन्स पेटले
मुंबई : गेल्या काही दिवसांपासून इटलीच्या एका फॅशन शोची जबरदस्त चर्चा पाहायला मिळत आहे. ‘प्राडा स्प्रिंग समर २०२६’ हा मिलान येथील शो सध्या जोरदार चर्चेत आला आहे. इटलीमध्ये झालेल्या या शोमध्ये Prada या सुप्रसिद्ध कंपनीचे मॉडेल कोल्हापुरी चप्पल घालून रॅम्प वॉक करताना दिसले. वरवर पाहता ही कौतुकाची बाब वाटत असली, तरी आता प्राडावर कोल्हापुरी चप्पलचा ब्रँड चोरी केल्याचा आरोप होत आहे. विशेष म्हणजे ही चप्पल एक लाख रुपयांना प्राडाकडून विकली जात आहे. त्यामुळे एकीकडे यावरून मोठी चर्चा सुरू असताना दुसरीकडे महाराष्ट्राच्या राजकीय वर्तुळातून त्यावर प्रतिक्रिया उमटत आहेत.
नेमका कोल्हापुरी चपलांचा वाद काय?
इटलीमध्ये आयोजित करण्यात आलेल्या फॅशन शोमध्ये 'प्राडा'नं आपल्या ‘मेन स्प्रिंग समर २०२६ कलेक्शन’मधील वेशभूषा सादर केल्या. त्यात प्राडाचे मॉडेल चक्क कोल्हापुरी चप्पल घालून रॅम्पवॉक करताना दिसल्याच पाहायला मिळालं. या चपलांची किंमत Prada कडून तब्बल १ लाख रुपये लावण्यात आली आहे. पण कोल्हापूरची ओळख मानली जाणारी कोल्हापुरी चप्पल प्राडानं थेट त्यांच्या कलेक्शनचा भाग म्हणून विदेशातील फॅशन शोमध्ये सादर केल्यामुळे त्यावर संतप्त प्रतिक्रिया उमटत आहेत. भारतात ५०० ते १५०० रुपयांमध्ये विकल्या जाणाऱ्या कोल्हापुरी चपलेची नक्कल केलेल्या प्राडाच्या चपलेची किंमत मात्र एक लाख रुपये इतकी ठेवण्यात आली आहे. त्यामुळे या कंपनीवर टीका देखील होत आहे.
पंढरपूर: पंढरपूरची वारी हा महाराष्ट्रातील एक महत्त्वपूर्ण धार्मिक आणि सांस्कृतिक उत्सव असतो. या वारीत लाखोंच्या संख्येने वारकरी सहभागी होऊन विठ्ठल ...
महाराष्ट्रातील राज्यातील कोल्हापूर शहरातील 'कोल्हापुरी'
एक्सवर एका यूजरने म्हटले, की प्राडा एसएस २६ मध्ये कोल्हापुरी चप्पलेचे सादरीकरण करण्यात आले असून ती मुळची भारतातील महाराष्ट्रातील राज्यातील कोल्हापूर शहरातील कारागिरांची निर्मिती आहे. स्कॅन्डिनेव्हियन स्कार्फप्रमाणेच परदेशातील फॅशन उद्योग हा पुन्हा एकदा भारतीय फॅशनची चोरी करत आहे, असे नेटिझन्सने म्हटले आहे. प्राडा आता शेकडो डॉलरमध्ये कोल्हापुरी चप्पलची विक्री करत असताना ही कलाकृती जीवंत ठेवणाऱ्या कारागिरांना कोणतेही श्रेय मिळत नाही आणि मानधनही नाही, अशी टिपणी अन्य एका नेटिझन्सने केली आहे.हस्तनिर्मित चामड्याची थोंग चप्पल? कोल्हापुरी चप्पलेला कोणतेही जिओ टॅगिंग नाही का? ते आपला वारसा चोरू शकतात आणि ते वेडे कोणत्याही किमतीवर विक्री करू शकतात? अशा शब्दांत अन्य एकाने नाराजी व्यक्त केली.