मुख्यमंत्री ममता बॅनर्जी यांनी गुन्हेगारांवर कडक कारवाईचे दिले आश्वासन
कोलकाता : पश्चिम बंगालच्या नाडिया जिल्ह्यात सोमवारी एका धक्कादायक घटनेत ९ वर्षीय मुलीचा बॉम्बस्फोटात मृत्यू झाला. कालीगंज विधानसभा पोटनिवडणुकीच्या मतमोजणीच्या वेळी हा दुर्दैवी बॉम्बस्फोट झाला आहे.
कालीगंज पोलीस स्टेशनच्या हद्दीतील या भागात दुपारच्या सुमारास बॉम्बस्फोट झाला, ज्यामध्ये या निरपराध मुलीला जीव गमवावा लागला.
पोलिसांच्या म्हणण्यानुसार, "मुलीला बॉम्बने जबर दुखापत झाल्या होत्या. हा स्फोट कालीगंज विधानसभा पोटनिवडणुकीच्या मतमोजणीच्या वेळी घडला."
मुख्यमंत्री ममता बॅनर्जी यांनी या घटनेवर तीव्र धक्का व्यक्त करत एक्सवर (पूर्वीचे ट्विटर) पोस्ट केले: "बारोचंदगर येथील स्फोटात एका मुलीचा मृत्यू झाल्याने मला धक्का बसला आहे आणि मनापासून दुःखी आहे. या दुःखाच्या वेळी माझी प्रार्थना आणि विचार त्यांच्या कुटुंबासोबत आहेत." त्यांनी पुढे म्हटलेय की, "पोलिस लवकरात लवकर गुन्हेगारांवर कडक आणि निर्णायक कायदेशीर कारवाई करेल."
पोलिस अधिकाऱ्यांनी दिलेल्या माहितीनुसार, मुलीचा मृतदेह पोस्टमॉर्टमसाठी पाठवण्यात आला आहे. स्फोटाच्या कारणांची तपासणी सुरू आहे. या प्रकरणी सखोल चौकशी केली जात आहे
हा स्फोट कालीगंज विधानसभा मतदारसंघाच्या पोटनिवडणुकीच्या मतमोजणीच्या वेळी घडला असल्याने राजकीय वर्तुळात खळबळ उडाली आहे.
मतमोजणी केंद्राजवळ सुरक्षा रक्षक तैनात करण्यात आले होते, परंतु या दुर्दैवी घटनेमुळे संपूर्ण परिसरात तणावाचे वातावरण निर्माण झाले आहे.
या निरपराध मुलीच्या मृत्यूने संपूर्ण राज्यात दुःखाची लाट पसरली आहे. मुख्यमंत्री ममता बॅनर्जी यांनी कडक कारवाईचे आश्वासन दिले असून, पोलीस या प्रकरणाची सखोल चौकशी करत आहेत.