याआधी २७ वर्षांपूर्वी १९९८ मध्ये थायलंडमध्ये विमान थाई एअरवेजच्या TG 261 विमानाला अपघात झाला होता. या अपघातात विमानातील १०१ जणांचा मृत्यू झाला होता. विशेष म्हणजे त्या विमानातील 11A या सीटवर बसलेल्या रुआंगसाक यांचा जीव वाचला होता. आता अहमदाबादमधील विमान अपघाताची बातमी समजली आणि फक्त 11A या सीटवर बसलेला प्रवासी वाचल्याचे कळले त्यावेळी रुआंगसाक यांच्या १९९८ च्या अपघाताच्या आठवणी ताज्या झाल्या.
एखाद्या विमानात आपल्यासोबत असलेल्या सर्वांचा मृत्यू होतो आणि फक्त आपण वाचतो तेव्हा वाचल्याचा आनंद साजरा करावा आणि आपल्यासोबतचे सर्व कधीच दिसणार नाहीत याचे दुःख करत बसावे हेच समजत नाही. मन संभ्रमावस्थेत सापडते. असेच आधी रुआंगसाकचे आणि आता रमेशचे झाले आहे. याआधी १९८५ मध्ये नेवाडात एका विमान अपघातात एकटा जॉर्ज लॅमसन वाचला होता. त्याची पण वाचल्यानंतर काही दिवस गोंधळल्यासारखी स्थिती होतो.