राहुरी : राज्य शैक्षणिक संशोधन व प्रशिक्षण परिषद पुणे यांच्यामार्फत आयोजित तालुकास्तरीय वरिष्ठ श्रेणी व निवड श्रेणी प्रशिक्षण राहुरी तालुक्यातील सावित्रीबाई फुले माध्यमिक व उच्च माध्यमिक विद्यालय कृषी विद्यापीठ राहुरी येथे सुरू आहे.
प्रशिक्षण २ जून ते १२ जून २०२५ या कालावधीत आयोजित करण्यात आले आहे तालुक्यातील १४७ प्रशिक्षणार्थी शिक्षक सहभागी झाले आहेत प्रशिक्षण वर्गास तालुक्याचे गटशिक्षणाधिकारी मोहनीराज तुंबारे यांनी भेट देऊन प्रशिक्षणार्थींना मार्गदर्शन केले.
संबंधित प्रशिक्षण प्रशिक्षणार्थी शिक्षक यांच्यासाठी महत्त्वाचे असून असून राष्ट्रीय अभ्यासक्रम आराखडा २०२० शी सुसंगत असल्याने संबंधित प्रशिक्षणाचा फायदा शिक्षकांना अध्यापनात होणार असल्याचे त्यांनी सांगितले.प्रशिक्षणाच्या प्रत्येक दिवशी परिपाठ दृकश्राव्य प्रदर्शन तासिका व स्वाध्यायाचे आयोजन करण्यात आले आहे.
प्रशिक्षणार्थी उपस्थिती ऑनलाईन असून दर तासिकेला प्रशिक्षणार्थी यांची ऑनलाईन उपस्थिती नोंदवण्यात येते प्रशिक्षणाच्या शेवटच्या दिवशी प्रशिक्षणार्थी यांची परीक्षा होणार असून सदर परीक्षेत ५० टक्के गुण मिळवणे गरजेचे आहे.शाळेचे प्रा.अरूण तुपविहिरे यांनी प्रशिक्षण ठिकाणी प्रशिक्षणार्थी यांना वॉटर फिल्टर पिण्याच्या पाण्याची सुविधा (पाणीजार) उपलब्ध करून देण्यात आले आहेत प्रशस्त वाहन पार्किंग सुविधा प्रशस्त वर्गखोल्या प्रत्येक वर्गात एलसीडी प्रोजेक्टर.
इंटरनेट सुविधा उपलब्ध करून देण्यात आलेली आहे प्रत्येक वर्गासाठी चार प्रमाणे तज्ञ सुलभक यांची नियुक्ती करण्यात आलेली आहे प्रशिक्षणासाठी आवश्यक सर्व भौतिक सुविधा उपलब्धकरून देण्यात आल्या आहेत. प्रशिक्षण चांगल्या प्रकारे सुरू असल्याने गटशिक्षणाधिकारी यांनी समाधान व्यक्त केले प्रशिक्षण तालुका समन्वयक म्हणून विस्तार अधिकारी सुमन सातपुते या काम पाहत आहे.