Kedarnath Helicopter Video : केदारनाथकडे जाणाऱ्या हेलिकॉप्टरची महामार्गावर आपत्कालीन लँडिंग; व्हिडिओ पाहा

  72

रुद्रप्रयाग : केदारनाथ धामकडे जाणाऱ्या खाजगी हेलिकॉप्टरने गुप्तकाशी जि. रुद्रप्रयाग येथे तांत्रिक बिघाडामुळे महामार्गावरच आपत्कालीन लँडिंग केल्याची घटना घडली. उत्तराखंडचे अतिरिक्त महासंचालक डॉ. व्ही. मुरुगेशन यांनी ही माहिती दिली आहे.





ही हेलिकॉप्टर सेवा क्रेस्टेल एव्हिएशन प्रायव्हेट लिमिटेड कंपनीमार्फत सुरू होती. हेलिकॉप्टरने सिरसी येथून प्रवाशांसह उड्डाण घेतले होते. मात्र तांत्रिक अडचणीमुळे निर्धारित हेलिपॅडऐवजी त्याचे रस्त्यावर आपत्कालीन लँडिंग करण्यात आले. या घटनेचा व्हिडीओ सोशल माध्यमावर व्हायरल झाला आहे. या व्हिडिओमध्ये हेलिकॉप्टर रस्त्याच्या मध्यभागी उतरलेले दिसत आहे आणि त्याची मागील बाजू एका कारच्या छपरावर आदळल्याचे स्पष्टपणे दिसत आहे.



सर्व प्रवासी आणि चालक दल सुरक्षित असून या घटनेत कोणतीही जीवितहानी झाली नाही, असे उत्तराखंड नागरी उड्डाण विकास प्राधिकरणच्या मुख्य कार्यकारी अधिकाऱ्यांनी सांगितले. घटनेबाबत नागर विमान संचालनालयाला अधिकृत माहिती देण्यात आली आहे. अधिकाऱ्यांनी स्पष्ट केले आहे की, केदारनाथच्या दिशेने इतर हेलिकॉप्टर शटल सेवा नियमितपणे सुरू आहेत आणि उड्डाण वेळापत्रकानुसार कार्यरत आहेत. ही घटना चिंतेची असली तरी तत्परतेने घेतलेल्या उपाययोजनांमुळे मोठा अनर्थ टळला असून प्रशासनाने याबाबत अधिक तपास सुरू केला आहे.



१ जखमी ५ सुरक्षित


रुद्रप्रयागचे जिल्हा पर्यटन विकास अधिकारी आणि हेली सर्व्हिस नोडल अधिकारी राहुल चौबे म्हणाले की, “आज, ७ जून रोजी दुपारी १ वाजताच्या सुमारास, केस्ट्रेल एव्हिएशनच्या हेलिकॉप्टरमध्ये भरासू येथून उड्डाण घेत असताना तांत्रिक बिघाड झाला. त्यानंतर ते राष्ट्रीय महामार्गावर उतरले. विमानात ५ प्रवासी आणि एक पायलट होते. पायलट जखमी झाला असून, ५ ही प्रवासी सुरक्षित आहेत.”

Comments
Add Comment

गंभीर गुन्ह्याप्रकरणी तुरुंगात गेल्यास पीएम सीएमना हटवणाऱ्या विधेयकाप्रकरणी विरोधकांचा रडीचा डाव

नवी दिल्ली : गंभीर गुन्ह्याप्रकरणी किमान ३० दिवस तुरुंगात घालवले किंवा तशी कोठडी देण्यात आली तर संबंधित मंत्री

रस्ते अपघातामध्ये प्रसिद्ध भारतीय क्रिकेटपटूचा मृत्यू, सीसीटीव्हीमध्ये दुर्घटना कैद

जम्मू आणि काश्मीर: रस्ते अपघातामध्ये भारतीय क्रिकेटपटूचा मृत्यू झाल्याची हृदयद्रावक घटना घडली आहे. या अपघाताचं

गगनयान मोहिमेसाठीची इस्रोची एअर ड्रॉप चाचणी यशस्वी

नवी दिल्ली : गगनयान मोहिमेसाठी इस्रोने यशस्वी एअर ड्रॉप चाचणी घेतली. ही पहिली एअर ड्रॉप चाचणी होती, जी पूर्ण

भारताच्या स्वदेशी हवाई संरक्षण यंत्रणांची यशस्वी चाचणी

नवी दिल्ली : डीआरडीओने भारताच्या एकात्मिक हवाई संरक्षण यंत्रणेसाठी शुक्रवारी २३ ऑगस्ट रोजी यशस्वी चाचण्या

भटक्या कुत्र्यांच्या हल्ल्यात २१ वर्षीय विद्यार्थीनी जखमी

लखनऊ : भटक्या कुत्र्यांचा हल्ला सध्या चर्चेत असून भटक्या कुत्र्यांच्या जीवघेण्या हल्ल्याच्या बातम्या अजूनही

ऐन सणासुदीच्या काळात सर्वसामान्यांना महागाईचा फटका, डाळी, रवा, मैदा, खाद्यतेल, साखरेचे भाव वधारले

नवी दिल्ली (वृत्तसंस्था) : गणेश चतुर्थीला ३, ४ दिवस बाकी असून या सणादरम्यान लागणाऱ्या