Mumbai Local Train : मुंबईकरांनो ही बातमी तुमच्यासाठी, उद्या रेल्वेचा ब्लॉक, कोणती रेल्वे वाहतूक मंदावणार? जाणून घ्या

मुंबई : पावसाळा आता दणक्यात सुरु झाला असून मुंबईकरांची लाईफलाइन असलेल्या रेल्वेचे काम सुरळीत ठेवण्यासाठी उद्या ब्लॉक घेण्यात येणार आहे. दररोज लाखो नागरीक मध्य, पश्चिम आणि हार्बर रेल्वे मार्गावरून प्रवासी करत असतात. रोजच्या रोज त्यांचा भार वाहणाऱ्या रेल्वेची, लोकलची आणि त्या जिथून धावतात त्या मार्गांचीही देखभाल करण्यासाठी अधूनमधून ब्लॉक घेण्यात येत असतात. तसाच ब्लॉक उद्या मुंबईत घेण्यात येणार आहे.




कोणत्या मार्गावर ब्लॉक ?


पश्चिम रेल्वेने शनिवारी मध्यरात्री ब्लॉक घेत रविवारी लोकल सेवा सुरळीत ठेवण्याचा निर्णय घेतला आहे. पण मध्य रेल्वेच्या मार्गवर मात्र, उद्या अर्थात रविवार (२५ मे रोजी) विविध अभियांत्रिकी आणि देखभालीची कामे करण्यासाठी मेगाब्लॉक घेण्यात येणार आहे.




  • माटुंगा-मुलुंड अप आणि डाऊन धीम्या मार्गावर सकाळी ११.०५ ते दुपारी ३.५५ वाजेपर्यंत हा ब्लॉक घेण्यात येईल.

  • या ब्लॉकच्या वेळी, CSMT येथून सकाळी १०.१४ ते दुपारी ३.५२ वाजेपर्यंत सुटणाऱ्या डाऊन धीम्या मार्गावरील सेवा माटुंगा आणि मुलुंड स्थानकांदरम्यान डाऊन जलद मार्गावर वळवल्या जातील.

  • शीव, कुर्ला, घाटकोपर, विक्रोळी, भांडुप आणि मुलुंड स्थानकांवर थांबतील आणि पुढे मुलुंड स्थानकावर डाऊन धीम्या मार्गावर वळवल्या जातील आणि नियोजित वेळेपेक्षा १५ मिनिटे उशिराने पोहोचतील, याची नोंद घेऊनच नागरिकांनी आपल्या प्रवासाची योजना आखावी असे आवहन करण्यात आलं आहे.

  • तर ठाणे येथून सकाळी ११.०७ ते दुपारी ३.५१ वाजेपर्यंत सुटणाऱ्या अप धीम्या मार्गावरील सेवा मुलुंड येथे अप जलद मार्गावर वळवल्या जातील.

  •  मुलुंड व माटुंगा स्थानकांदरम्यान मुलुंड, भांडुप, विक्रोळी, घाटकोपर, कुर्ला आणि शीव येथे थांबतील आणि नंतर माटुंगा स्थानकावर अप धीम्या मार्गावर वळवल्या जातील आणि नियोजित वेळेपेक्षा १५ मिनिटे उशिराने पोहोचतील.




‘पश्चिम रेल्वे’वर शनिवारी मध्यकालीन ब्लॉक



  • पश्चिम रेल्वेवर मात्र आज, अर्थाक शनिवारी रात्री ब्लॉक घेण्यात येईल. भाईंदर-बोरिवली स्थानकांदरम्यान अप जलद मार्गावर शनिवारी रात्री ११.३० ते रात्री ३ पर्यंत ३.३० तासांचा ब्लॉक घेण्यात येणार आहे.

  • भाईंदर-बोरिवली स्थानकांदरम्यान डाऊन जलद मार्गावर शनिवारी रात्री १.१५ ते पहाटे ४.४५ वाजेपर्यंत ३.३० तासांचा ब्लॉक घेण्यात येणार आहे.



ट्रान्स हार्बरवर ४.१० वाजेपर्यंत ब्लॉक



  • ट्रान्स हर्बर मार्गावर ठाणे आणि वाशी/नेरुळ स्थानकांदरम्यान अप आणि डाऊन ट्रान्स-हार्बर मार्गावर सकाळी ११.१० ते दुपारी ४. १० वाजेपर्यंत ब्लॉक असेल. ब्लॉक काळात वाशी/नेरुळ आणि ठाणे स्थानकांदरम्यान अप आणि डाऊन ट्रान्स-हार्बर मार्गावरील सेवा बंद राहतील.

  • ठाणे येथून सकाळी १०. ३५ ते दुपारी ४. ०७ वाजेपर्यंत वाशी/नेरुळ/ पनवेलसाठी सुटणाऱ्या डाऊन लाईन सेवा आणि पनवेल/नेरुळ/वाशी येथून सकाळी १०. २५ ते दुपारी ४. ०९ वाजेपर्यंत ठाणेसाठी सुटणाऱ्या अप लाईन सेवा रद्द राहतील.


Comments
Add Comment

लाडक्या बहिणींना १० हजारांपासून १ लाखापर्यंत विशेष कर्ज मिळणार

दीड हजारांच्या मानधनातून हप्ते वळते होणार मुंबई : मुंबईत लाडकी बहीण योजनेचा लाभ घेणाऱ्या महिलांना व्यवसायासाठी

मुंबईत अतिवृष्टीचा इशारा, ठाणे, पालघर, रायगडला रेड अलर्ट

कामाशिवाय घराबाहेर न पडण्याच्या महापालिकेच्या सूचना मुंबई (प्रतिनिधी) : परतीच्या पावसाने महाराष्ट्रात धुमाकूळ

आज, उद्या राज्यात मुसळधारेचा इशारा

५ ऑक्टोबरपर्यंत नैऋत्य मोसमी पावसाचा महाराष्ट्रात ठिय्या मुंबई (प्रतिनिधी) : बंगालच्या उपसागरात तपार झालेल्या

रायगड जिल्ह्यासह पुणे घाट परिसराला रविवारी रेड अलर्ट

मुंबई : रायगड जिल्हा आणि पुणे घाट परिसरात २८ सप्टेंबर २०२५ रोजीसाठी रेड अलर्ट तर पालघर, ठाणे, मुंबई शहर, मुंबई

मुंबईत दोन लाचखोर पोलीस अधिकाऱ्यांना अटक

मुंबई: लाचलुचपत प्रतिबंधक विभागाच्या (ACB) मुंबई युनिटने वडाळा टीटी पोलिस ठाण्यात कार्यरत असलेल्या दोन पोलिस

प्रवाशांसाठी महत्त्वाची बातमी, रेल्वेचा हा प्लॅटफॉर्म ८० दिवस राहणार बंद

मुंबई : प्रवाशांसाठी एक महत्त्वाची बातमी. मुंबईत असलेला छत्रपती महाराज टर्मिनस स्थानकावरील फलाट क्रमांक १८