मुंबई: ऑपरेशन सिंदूर नंतर सुरू झालेले भारत पाक अघोषित युद्धाला विराम मिळाल्यामुळे, इंडियन प्रीमियर लीग २०२५ (IPL 2025) सुरू होण्याचा मार्ग मोकळा झाला आहे. भारत आणि पाकिस्तानदरम्यानच्या वाढत्या तणावामुळे आयपीएलचे सामने काही काळासाठी स्थगित करण्यात आले होते. मात्र अलीकडेच आलेल्या माहितीनुसार आयपीएलचे सामने पुनः खेळवले जाण्याची शक्यता आहे. हे सामने १६ किंवा १७ मे रोजी पुन्हा सुरू होऊ शकतात, ज्याचे वेळापत्रक लवकरच जाहीर केले जाईल.
कोणकोणत्या मैदानावर रंगतील सामने?
आयपीएल २०२५ चे उर्वरित सामने लखनऊ, हैद्राबाद, कोलकाता तसेच अहमदाबादमध्ये खेळवले जाण्याची शक्यता आहे. ज्याची सुरुवात, लखनौच्या एकाना स्टेडियमवर लखनौ सुपर जायंट्स (LSG) आणि रॉयल चॅलेंजर्स बंगळुरू (RCB) यांच्यादरम्यानच्या सामन्याने होण्याची शक्यता आहे. तर क्वालिफायर १ आणि एलिमिनेटर सामने हैद्राबादधील राजीव गांधी आंतरराष्ट्रीय स्टेडियममध्ये होऊ शकतात. क्वालिफायर २ व्यतिरिक्त अंतिम सामना कोलकाता येथे देखील आयोजित केला जाऊ शकतो. अंतिम सामना ३० मे किंवा १ जून रोजी होण्याची शक्यता आहे.