मुंबई : मेट्रो ३ ने प्रवास करत असाल तर आज वेळापत्रक पाहूनच प्रवास करा. सकाळी साडेसहाला सुरू होणारी सेवा आज ८:३० च्या सुमारास सुरु झाली आहे. ही मेट्रो सेवा आज रात्री साडेदहापर्यंत सुरू राहणार आहे. त्यानुसार प्रवाशांनी आपल्या प्रवासाचं नियोजन करावं, असं आवाहन मुंबई मेट्रोकडून करण्यात आलं आहे.
मुंबई : पश्चिम रेल्वे शुक्रवारच्या मध्यरात्री वसई रोड आणि वैतरणा दरम्यान रात्रीचा ब्लॉक घेणार आहे. वसई रोड आणि वैतरणा स्थानकांदरम्यान शुक्रवारी ...
मिळालेल्या माहितीनुसार, मुंबई मेट्रो ३ वरील सेवा आज सकाळच्या सुमारास उशिराने सुरु झाली. नेहमी सकाळी साडेसहाला सुरू होणारी सेवा आज ८:३० च्या सुमारास सुरु झाली. ‘कुलाबा – वांद्रे – सीप्झ (आरे) भुयारी मेट्रो ३’ मार्गिकेवरील आरे – बीकेसी टप्पा कार्यान्वित झाल्यानंतर आता अगदी काही दिवसातच बीकेसी – आचार्य अत्रे चौक मेट्रो स्थानक दरम्यानचा २ अ टप्पा वाहतूक सेवेत दाखल होणार आहे. या टप्प्याच्या संचलनाच्यादृष्टीने मुंबई मेट्रो रेल कॉर्पोरेशनने (एमएमआरसी) आणखी एक पाऊल पुढे उचलले आहे.
एमएमआरसीकडून आरे – बीकेसी आणि बीकेसी – आचार्य अत्रे चौक मेट्रो स्थानकांदरम्यानच्या एकत्रित चाचण्यांना सुरुवात करण्यात आली. या चाचण्यांसाठी आरे – बीकेसी मार्गिकेवरील गाड्यांच्या वेळापत्रकात बदल करण्यात आला आहे. आज (दि १८) रोजी तांत्रिक कारणामुळे मेट्रो-३ च्या सेवा सकाळी ८.३० ते रात्री १०.३० पर्यंत उपलब्ध असतील”, अशी एक्स पोस्ट मुंबई मेट्रो ३ च्या अधिकृत एक्स खात्यावरून करण्यात आली आहे.