उमरेड एमआयडीसीतील एमएमपी इंडस्ट्रीजमधील घटना
नागपूर : नागपूर जिल्याच्या उमरेड एमआयडीसीतील एमएमपी इंडस्ट्रीज लिमिटेड कंपनीत शुक्रवारी संध्याकाळी मोठा स्फोट झाला. या घटनेत आतापर्यंत ५ कामगारांचा मृत्यू असून ११ कामगार जखमी झाले आहेत. यातील काहींची प्रकृती चिंताजनक आहे. एकूण जखमींपैकी ९ रुग्णांना मेडिकलमध्ये हलवण्यात आले आहे.
#WATCH | Nagpur | Visuals from outside MMP factory where 5 people died in fire incident
Five people died in an explosion at an Aluminium Foil Factory in Umrer, two people died in the hospital during treatment, while the death of 3 missing persons has been confirmed: Harsh… https://t.co/pD1OxDynLS pic.twitter.com/EMsImnmhyW
— ANI (@ANI) April 12, 2025
किल्ले रायगड : छत्रपती शिवाजी महाराजांची ३४५ वी पुण्यतिथी आणि शिवरायांच्या समाधीच्या जिर्णोद्धाराला १०० वर्षे पूर्ण झाल्याच्या निमित्ताने ...
यासंदर्भात वरिष्ठ पोलिस अधिकाऱ्यांकडून मिळालेल्या माहितीनुसार नागपूर जिल्ह्याच्या उमरेड एमआयडीसी परिसरात एमएमपी ही अँल्युमिनियम फॉइल आणि पावडर तयार करणारी कंपनी आहे. अँल्युमिनियम फॉइल आणि पावडरचा वापर पॅकेजिंगसाठी करण्यात येतो. या कंपनीत शुक्रवारी संध्याकाळी ६ वाजता मोठा स्फोट झाला. यामध्ये ३ कामगारांचा घटनास्थळी आणि दोघांचा रुग्णालयात उपचारादरम्यान मृत्यू झाला.
या घटनेची माहिती मिळताच पोलिस यंत्रणा, अग्निशमन दलाने घटनास्थळी धाव घेत गंभीर जखमी झालेल्या कामगारांना प्रारंभी उपचारासाठी उमरेडच्या खासगी रुग्णालयात व नागपूरच्या शासकीय वैद्यकीय महाविद्यालय व रुग्णालयात (मेडिकल) दाखल केले. कंपनीतील बहुतांश जखमी कामगारांना नागपूर येथे आणण्यात आले.