कर्नाटकमध्ये चाललंय काय ? सिद्धरामय्यांच्या राज्यात दोन महिला पर्यटकांवर सामूहिक बलात्कार, पीडितांपैकी एक इस्रायलची नागरिक

हम्पी : कर्नाटकमध्ये महिला सुरक्षेचा प्रश्न गंभीर झाला आहे. हम्पी या कर्नाटकमधील लोकप्रिय पर्यटनस्थळी दोन महिला पर्यटकांवर सामूहिक बलात्कार झाला. पीडितांपैकी एक इस्रायलची नागरिक आहे.







हम्पी येथे तीन अज्ञात व्यक्तींनी दोन महिला पर्यटकांवर सामूहिक बलात्कार केला. याआधी महिलांसोबत असलेल्या तीन जणांना अज्ञातांनी बेदम मारहाण केली. मारहाणीत जखमी झालेल्या तिघांना अज्ञातांनी तुंगभद्रा नदीच्या कालव्यात फेकून दिले. सामूहिक बलात्कार केल्यानंतर आलेले अज्ञात घटनास्थळावरुन पळून गेले. पीडितांनी धीर करुन जवळचे पोलीस ठाणे गाठले आणि अज्ञातांविरोधात तक्रार नोंदवली. पोलिसांनी माहिती मिळताच घटनास्थळी पथक पाठवले. पीडितांची वैद्यकीय तपासणी करण्यात आली.



पीडितांनी दिलेल्या माहितीआधारे कालव्यात फेकलेल्या तीन जणांचा पाण्यामध्ये शोध सुरू झाला. या मोहिमेदरम्यान महिलांसोबत असलेल्या ३ जणांपैकी एका तरुणाचा मृतदेह पोलिसांना मिळाला आहे. इतर दोन पुरुषांचा शोध सुरू आहे. पीडितांनी दिलेल्या तक्रारीआधारे पोलिसांनी तीन आरोपींच्या शोधासाठी विशेष मोहीम हाती घेतली आहे.

पोलिसांनी दिलेल्या माहितीनुसार एकूण इस्रायलची नागरिक असलेली महिला पर्यटक, होम स्टे संचालिका आणि तीन पुरुष पर्यटक असे पाच जण हम्पी येथे पर्यटनाचा आनंद घेत होते. पुरुष पर्यटकांपैकी एक अमेरिकेचा नागरिक होता तर एक महाराष्ट्रातील रहिवासी आहे. ज्याचा मृतदेह मिळाला, तो ओडिशातील तरुण आहे. अज्ञात तीन जणांनी पुरुष पर्यटकांना बेदम मारहाण करुन कालव्याच्या वाहत्या पाण्यात फेकून दिले आणि महिलांवर सामूहिक बलात्कार केला. या प्रकरणात गंगावती ग्रामीण पोलीस ठाणे तपास करत आहे.

पीडितांनी ज्या अज्ञातांची माहिती दिली ते एका दुचाकीवरुन आले होते. पेट्रोल पंपाची चौकशी करण्याच्या निमित्ताने थोडा वेळ बोलल्यानंतर संधी साधून त्यांनी पुरुष पर्यटकांना मारहाण सुरू केली. अज्ञातांनी त्यांच्याकडे पैशांची मागणी केली. पण पैसे मिळाले नाही म्हणून पुरुषांना मारहाण करुन कालव्याच्या पाण्यात फेकले आणि महिलांवर सामूहिक बलात्कार केला.
Comments
Add Comment

महिलेने अंतर्वस्त्रात लपवले लाखोंचे सोने! दिल्ली विमानतळावरील धक्कादायक प्रकार समोर

नवी दिल्ली: दिल्लीच्या इंदिरा गांधी आंतरराष्ट्रीय विमानतळावरील धक्कादायक प्रकार समोर आला आहे. विमानतळावरील

अरे बापरे! देशभरात २२ बनावट विद्यापीठे

यूजीसीकडून देशातील २२ बनावट विद्यापीठांची यादी जाहीर नवी दिल्ली : विद्यापीठ अनुदान आयोग (UGC) देशातील २२ बनावट

फक्त ६ वर्षांच्या मुलांनाच पहिलीत प्रवेश

दिल्ली सरकारने पहिलीच्या प्रवेशासाठी वयोमर्यादा केली निश्चित नवी दिल्ली  : दिल्ली सरकारने शालेय शिक्षणात एक

अयोध्येतील राम मंदिरावर पंतप्रधान मोदी फडकवणार धर्म ध्वज

राष्ट्रीय स्वयंसेवक संघाचे मोहन भागवत प्रमुख पाहुणे अयोध्या  : अयोध्येतील राम मंदिराच्या शिखरावर होणाऱ्या

न्यायमूर्ती सूर्यकांत भारताचे पुढील सरन्यायाधीश! चार दशकांहून अधिक अनुभव असणारे न्यायमूर्ती सूर्यकांत यांच्या कार्याबद्दल सविस्तर जाणून घ्या...

नवी दिल्ली: देशाचे विद्यमान सरन्यायाधीश भूषण गवई यांनी सरन्यायाधीश हा पदभार स्वीकारल्यानंतर अवघ्या काही

राम मंदिराच्या दर्शनाची वेळ बदलली , जाणून घ्या अयोध्यातील दर्शनाची वेळ...

अयोध्या : अयोध्येतील श्रीराम मंदिर म्हणजे श्रद्धा आणि भक्तीचा अनोखा संगम. दिवसेंदिवस प्रभू रामाचे दर्शन