मुंबई: दाक्षिणात्य इंडस्ट्रीमधील प्रसिद्ध प्लेबॅक सिंगर आणि गीतकार कल्पना राघवेंद्र यांच्याबाबत धक्कादायक बातमी समोर आली आहे. या गायिकेने मंगळवारी रात्री आपल्या राहत्या घरी झोपेच्या गोळ्या घेत आत्महत्येचा प्रयत्न केला. यानंतर त्यांना तातडीने रुग्णालयात दाखल करण्यात आले. सध्या हैदराबादच्या खाजगी रुग्णालयात त्यांच्यावर उपचार सुरू आहेत.
गायिकेचा आत्महत्येचा प्रयत्न
रिपोर्टनुसार, पोलिसांनी दिलेल्या माहितीनुसार कल्पना यांनी आपल्या राहत्या घरी आत्महत्येचा प्रयत्न केला. त्यांचे घर दोन दिवसांपासून उघडले नव्हते. यानंतर असोसिएशनच्या सदस्यांना याबाबत सूचना देण्यात आली होती. त्यांनी याबाबतची माहिती पोलिसांना दिली. पोलिसांनी दरवाजा तोडून गायिकेच्या घरात प्रवेश केला. यावेळी कल्पना या बेशुद्धावस्थेत सापडल्या. यानंतर त्यांना तातडीने रुग्णालयात दाखल करण्यात आले. दरम्यान सध्या त्यांच्यावर उपचार सुरू आहेत.
गायिकेने आत्महत्येचा प्रयत्न का केला याबाबतचे कारण अद्याप समजू शकलेले नाही. पोलिसांनी या प्रकरणी केस दाखल करत प्रकरणाचा तपास सुरू केला आहे.
कशी आहे कल्पना यांची तब्येत?
गायिकेची तब्येत आता स्थिर आहे. ती सध्या व्हेंटिलेटर सपोर्टवर आहे. ज्यावेळेस गायिकेने आत्महत्येचा प्रयत्न केला तेव्हा तिचे पती घरी नव्हते. ती चेन्नईमध्ये होती.