Local Megablock : २५-२६ जानेवारीला 'या' मार्गावरुन लोकल प्रवास करत असाल, तर ही बातमी तुमच्यासाठी!

मुंबई : मुंबई महापालिकेकडून सध्या मशिद रेल्वे स्थानक परिसरातील १५४ वर्षे जुन्या कर्नाक पुलाची पुनर्बांधणी सुरु आहे. आतापर्यंत पुलासाठी ५५० मेट्रिक टन वजनाचा, उत्तर बाजूचा गर्डर महापालिकेच्या हद्दीत ९.३० मीटरपर्यंत सरकवण्याची प्रक्रिया पूर्ण करण्यात आली आहे. मात्र यापुढील कामासाठी प्रशासनाने मध्य रेल्वेकडे उद्या म्हणजेच १८ जानेवारीची मध्यरात्र ते रविवार १९ जानेवारीची पहाटेदरम्यान ब्लॉकची मागणी केली होती. परंतु उद्या मुंबई मॅरेथॉन असल्यामुळे उद्याचा ब्लॉक रद्द करण्यात आला असून तारीख पुढे ढकलण्यात आली आहे.



कर्नाक पुलाच्या पुढील कामकाजासाठी मध्य रेल्वेने २५ जानेवारी मध्यरात्र ते २६ जानेवारी पहाटेपर्यंत सहा तासांचा विशेष ट्रॅफिक आणि पॉवर ब्लॉक मंजूर केला आहे. त्यामुळे यादिवशी रात्री उशिरा धावणाऱ्या उपनगरी आणि लांब पल्ल्यांच्या रेल्वेगाड्यांवर परिणाम होणार आहे.


दरम्यान, कर्नाक पुलाच्या बांधकामामुळे दक्षिण मुंबईतील मशिद परिसर, छत्रपती शिवाजी महाराज टर्मिनस परिसर आणि मोहम्मद अली मार्ग परिसरात प्रचंड वाहतूककोंडी निर्माण होत आहे. ही वाहतूक कोंडी लवकरात लवकर दूर करण्याचा महापालिकेचा कल आहे. त्यामुळे दुसरा गर्डर स्थापित करून नवा कर्नाक उड्डाणपूल जून २०२५ पर्यंत वाहतुकीसाठी खुला करण्याचे मुंबई महापालिकेचे नियोजन आहे.

Comments
Add Comment

पोलिसांनी दंड आकारल्याने झाडावर चढून तरूणाचे आंदोलन

मुंबई: मु्ंबई वाहतूक पोलिसांनी दंड आकारल्याने एका चालकाने चक्क झाडावर चढून अनोखे आंदोलन केले. तब्बल दोन तास

मुंबई मनपावर भगवा फडकवण्यासाठी शिवसेना-भाजपची मोर्चेबांधणी

समसमान जागांसाठी शिवसेना तर दीडशे प्लससाठी भाजप आग्रही मुंबई : उपमुख्यमंत्री एकनाथ शिंदे यांच्या

'आयुष'च्या ४२८५ रिक्त जागा, होमिओपथी, आयुर्वेद, युनानी अभ्यासक्रमांचे प्रवेश

महाराष्ट्र : आरोग्यविज्ञान विद्यापीठाशी संलग्न असलेल्या सरकारी आणि खासगी महाविद्यालयांकडून राबवण्यात

शिक्षक होण्याची सुवर्णसंधी, CTETची अधिसूचना जाहीर

मुंबई : केंद्रीय शिक्षक पात्रता परीक्षेचे वेळापत्रक जाहीर झाले आहे. या वेळापत्रकानुसार केंद्रीय शिक्षक पात्रता

उत्तम आरोग्यासाठी महापालिका आयुक्तांनी केल्या अशा सूचना

मुंबई (खास प्रतिनिधी) : मुंबईकरांनी आपल्या उत्तम आरोग्यासाठी उद्यानात आणि व्यायामशाळेत श्रम घेणे गरजेचे आहे.

पक्षप्रतिमा जपण्यासाठी अजित पवार संघापासून चार हात दूरच!

मुंबई  : तळेगाव दाभाडे नगर परिषदेच्या नवीन इमारतीच्या उद्घाटनाचा कार्यक्रम सोमवारी पार पडला. हा कार्यक्रम