अपघातानंतर उर्मिला कोठारेची पहिली पोस्ट; घटनेची दिली माहिती

  74

मुंबई : मराठी चित्रपटसृष्टीतील सुप्रसिद्ध अभिनेत्री उर्मिला कोठारे हिच्या कारचा २८ डिसेंबर रोजी भीषण अपघात झाला होता. उर्मिलाच्या कारने दोन मजुरांना उडवले होते. यात एका मजुराचा मृत्यू तर, दुसरा मजूर गंभीर जखमी झाला होता. तसेच या अपघातात उर्मिला आणि तिच्या ड्रायव्हरलाही गंभीर दुखापत झाली होती. या अपघातानंतर उर्मिलाला रुग्णालयात दाखल करण्यात आले होते. आता उर्मिला रुग्णालयातून घरी परतली असून तिने सोशल मिडियावर एक फोटोसह पोस्ट शेअर करत माहिती दिली. तसेच त्या दिवशी काय घडलं याबाबतची माहिती देखील तिने या पोस्टच्या माध्यमातून दिली आहे.


२८ डिसेंबर २०२४ रोजी रात्री १२.४५ वाजण्याच्या सुमारास माझ्या गाडीचा भीषण अपघात झाला. कांदिवली पोईसर मेट्रो स्टेशन परिसरामध्ये हा अपघात झाला. येथील पश्चिम द्रुतगती महामार्गावर मेट्रोचं काम सुरू होते. तिथे मोठी यंत्र, सामान आणि जेसीबी लोडर/एक्सकॅव्हेटर वाहने उभी केलेली होती. माझा ड्रायव्हर कार चालवत होता. त्यावेळी अचानक वळण आलं आणि हा दुर्दैवी अपघात झाला. या अपघातात मी आणि माझा ड्रायव्हर गंभीर जखमी झालो आणि बेशुद्ध पडलो होतो. त्यानंतर आम्हाला ताबडतोब रुग्णालयात दाखल करण्यात आलं, अशी माहिती पोस्टच्या माध्यमातून तिने दिली.





मुंबई पोलीस आणि डिलिव्हरी कर्मचारी पवन शिंदे यांचे आभार मानते, त्यांनी तात्काळ आम्हाला मदत केली. मी आता ठणठणीत होऊन रुग्णालयातून घरी परतली आहे. पण माझ्या पाठीला आणि बरगड्यांना अद्याप त्रास होत आहे. त्यामुळे डॉक्टरांनी मला किमान 4 आठवडे कोणताही शारीरिक व्यायाम न करण्याचा सल्ला दिला आहे. माझ्या प्रकृतीसाठी आणि मी लवकर बरी व्हावी यासाठी प्रार्थना केली त्याचे मी आभार मानते. तसेच मी देवाचेही आणि पोलिसांचे देखील आभार मानते, असेही तिने पोस्टमध्ये म्हटले आहे.


या अपघातानंतर पोलिसांनी माझ्या ड्रायव्हर विरोधात एफआयआर नोंदवला आहे. मला आपल्या न्यायव्यवस्थेवर पूर्ण विश्वास आहे. मला माहित आहे की न्याय मिळेल, असं तिने आपल्या पोस्टमध्ये म्हटले आहे.

Comments
Add Comment

गोविंदा फक्त माझाच! घटस्फोटाच्या चर्चांना सुनीता आहूजा यांनी दिला पूर्णविराम

मुंबई- गेल्या अनेक दिवसांपासून बॉलिवूड अभिनेता गोविंदा आणि त्याची पत्नी सुनीता आहूजा यांच्यात घटस्फोटाची

Swwapnil Joshi: मिठाईऐवजी अर्धा किलो तांदूळ आणा...घरच्या गणपती बाप्पाच्या दर्शनाला येणाऱ्यांसाठी स्वप्नील जोशीचं आवाहन

मुंबई: आजपासून दहा दिवस राज्यभरात गणेशोत्सवाची (Ganeshotsav 2025) धामधूम पाहायला मिळणार आहे, घराघरात आणि विविध सार्वजनिक

रणबीर-आलियाच्या नवीन घराचा व्हिडिओ व्हायरल झाल्यावर आलिया संतापली

मुंबई : बॉलिवूड अभिनेत्री आलिया भट्ट आणि रणबीर कपूर मुंबईत एक नवं घर बांधत आहेत, ज्याची किंमत

गोडवा आणि तिखटपणाची मेजवानी – ‘वडापाव’ चित्रपटाचा चविष्ट टीझर प्रदर्शित!

मुंबई : मराठमोळ्या खाद्यसंस्कृतीत वडापावचं स्थान खास आहे . वडापाव म्हटलं की जिभेला पाणी सुटतं. वडा जसा

२५० कोटींचा अलिशान बंगला तयार, रणबीर-आलिया लवकरच करणार गृहप्रवेश

मुंबई : बॉलिवूडचे लोकप्रिय कपल रणबीर कपूर आणि आलिया भट्ट यांचे स्वप्नातील घर अखेर तयार झाले आहे. गेल्या अनेक

मुख्यमंत्री देवेंद्र फडणवीस यांच्या हस्ते ‘अरण्य’ चित्रपटाचे पोस्टर अनावरण

मुंबई : मुख्यमंत्री देवेंद्र फडणवीस यांच्या हस्ते नुकतेच मराठी चित्रपट ‘अरण्य’ च्या पोस्टरचे अनावरण करण्यात