मुंबई: आजकालच्या धावपळीच्या युगात तरूण वर्गामध्येही लोकांना हाडांमध्ये दुखण्याच्या समस्या आढळतात. दर दिवशी हात, पाय, कंबर दुखीचा त्रास होत असतो. यामुळे अनेकदा दैनंदिन कामे करणेही कठीण होते.
कॅल्शियमच्या कमतरतेमुळे हाडे मोठ्या प्रमाणात कमकुवत होतात. अशातच तुम्हाला दररोजच्या डाएटमध्ये अशा काही गोष्टींचा समावेश केला पाहिजे ज्यामध्ये कॅल्शियम मोठ्या प्रमाणात असेल. तसेच हाडेही मजबूत होतील.
डेअरी उत्पादनांमध्ये कॅल्शियमचे प्रमाण अधिक असते मात्र याशिवाय ड्रायफ्रुट्समध्येही जसे खजुरामध्येही कॅल्शियमचे प्रमाण अधिक असते. खजूर हा कॅल्शियमचा चांगला स्त्रोत आहे. यामुळे हाडे निरोगी राखण्यास मदत होते. याशिवाय खजुरामध्ये मॅग्नेशियम आणि पोटॅशियम सारख्या खनिजांसोबत व्हिटामिनही आढळते.
दुधासोबत खजुराचे सेवन तुमच्या हाडांना निरोगी राखण्याचे काम करते. खजुरामध्ये मोठ्या प्रमाणात फायबर आढळते. यामुळे पाचनशक्ती तंदुरुस्त राहते. इतकंच नव्हे तर यामुळे पोटातील मायक्रोबायोम म्हणजेच चांगले बॅक्टेरिया वाढवण्याचे काम करतात.यामुळे गट हेल्थ चांगली राहते.
