नवी दिल्ली: पंतप्रधान नरेंद्र मोदींनी आज, सोमवारी गुजरात दंगलीवरील ‘द साबरमती रिपोर्ट’(‘The Sabarmati Report’) हा चित्रपट पाहिला. यावेळी मोदींसोबत गृहमंत्री अमित शाह, राजनाथ सिंह, नितीन गडकरी, जेपी नड्डा आणि इतर सहकारी उपस्थित होते. चित्रपट पाहिल्यानंतर निर्मात्यांचे अभिनंदन करायला हवे, अशी प्रतिक्रिया मोदींनी दिली.
पंतप्रधानांनी इन्स्टाग्रामवर अनेक छायाचित्रे शेअर केली आहेत. तसेच आपल्या ट्विटर (एक्स) संदेशात म्हणाले की, एनडीएच्या खासदारांसोबत साबरमती रिपोर्ट पाहिला. निर्मात्यांनी घेतलेल्या मेहनतीचे मी कौतुक करतो. अभिनेता विक्रांत मॅसीनेही स्वत: पंतप्रधान मोदींनी त्यांचा चित्रपट पाहिल्याबद्दल आनंद व्यक्त केला होता. मात्र, याआधी गृहमंत्री अमित शहा यांनीही हा चित्रपट पाहिला होता, त्यांनी या चित्रपटाचे भरभरून कौतुक केले आणि याला सत्याचा विजय म्हटले.
अमित शाह यांनी साबरमती रिपोर्ट पाहिल्यानंतर सांगितले होते की, एखाद्या शक्तिशाली इकोसिस्टमने कितीही प्रयत्न केले तरी सत्य कायमचे लपवता येत नाही. द साबरमती रिपोर्ट या चित्रपटाने या परिसंस्थेला अविश्वसनीय धैर्याने नाकारले आहे. भविष्यावर परिणाम करणाऱ्या या भागाचे सत्य दिवसाढवळ्या उघड झाले आहे.
‘द साबरमती रिपोर्ट’ हा चित्रपट 2002 च्या गुजरात दंगलीवर तयार करण्यात आला आहे. साबरमती एक्स्प्रेसला लागलेली आग हा अपघात नसून षड्यंत्र असल्याचे या चित्रपटात सांगण्यात आले आहे. या चित्रपटाने बॉक्स ऑफिसवर 30 कोटींची कमाई केली आहे, परंतु विक्रांतच्या मागील रेकॉर्डचा विचार करता हे प्रमाण कमीच वाटते. मात्र, राजकीय वर्तुळात या चित्रपटाची चांगलीच चर्चा रंगल्याने हा चित्रपट खूप पाहिला जात आहे.
रत्नागिरी : विश्व मराठी साहित्य संमेलनात दिल्या जाणाऱ्या साहित्यभूषण पुरस्काराची रक्कम या वर्षीपासून १० लाख…
नागपूर: विविध कार्यक्रमांमध्ये तसेच येथील सव्हिल लाईन्स परिसरातील मुख्यमंत्री सचिवालय-हैदराबाद हाऊसमध्ये प्राप्त होणारे जनतेचे अर्ज…
बंद पडलेली टॉय ट्रेन पुन्हा सुरु; मंत्री पीयूष गोयल यांची घोषणा मुंबई (प्रतिनिधी) : संजय…
नागपूर: मुख्यमंत्री देवेंद्र फडणवीस यांनी आज मुख्यमंत्री सचिवालयात आयोजित जनता दरबारात जनतेच्या समस्या जाणून घेतल्या…
प्रा. नंदकुमार काकिर्डे मोदी सरकारने सुरू केलेल्या काही योजना देशातील सर्वसामान्यांपर्यंत चांगल्या रीतीने पोहोचल्या असून…
उमेश कुलकर्णी जागतिक व्यापार संघटनेला ट्रम्प यांच्या टॅरिफ राजवटीने एक मोठा झटका दिला आहे. त्याविरोधात…