Vikrant Massey : ३७व्या वर्षी विक्रांत मॅसीचा अभिनयातून संन्यास; केली शॉकिंग पोस्ट

 Vikrant Massey : बॉलिवूडमधील विक्रांत मॅसी हा उत्तम अभिनेत्यांपैकी एक असून त्याने आत्तापर्यंत एकाहून एक सरस चित्रपटात उत्तम भूमिका केल्या आहेत. गेल्या काही महिन्यांपूर्वी आलेला ’12th फेल’ असो किंवा नुकतेच प्रदर्शित झालेले ‘सेक्टर 36’ आणि ‘द साबरमती रिपोर्ट’ या सर्व चित्रपटांमध्ये त्याच्या अभिनयाचं नाणं अगदी खणखणीत वाजलंय. 12th फेल या चित्रपटातील अभिनयासाठी तर विक्रांतला अनेक पुरस्कारही मिळाले. या चित्रपटानंतर त्याच नाव खूपच गाजलं. मात्र, २ डिसेंबरला विक्रांतने त्याच्या सोशल मीडिया अकाऊंटवर एक पोस्ट शेअर केली, त्यामुळे तो पुन्हा एकदा चर्चेत आला आहे. ती वाचून सगळेच हैराण झाले आहेत. वयाच्या ३७व्या वर्षी विक्रांत बॉलिवूडमधून संन्यास घेणार असल्याने त्याच्या चाहत्यांना धक्का बसला आहे. विक्रांतने अचानक हा निर्णय का घेतला त्याचं कारणही त्याने सांगितलं आहे. विक्रांतने सोशल मीडियावर पोस्ट शेअर करुन त्याने अचानक बॉलिवूडमधून रिटायरमेंटचा निर्णय का घेतली, याविषयी माहिती दिलीय.



विक्रांतचा बॉलिवूडला अलविदा


विक्रांतने सोमवारी आज पहाटे सोशल मीडियावर पोस्ट करुन आपला हा निर्णय सर्वांना सांगितला. विक्रांत म्हणाला की, "गेले काही वर्ष माझ्यासाठी फार वेगळी आणि शानदार आहेत. तुमच्या पाठिंब्यांसाठी मी सर्वांचे मनापासून आभार मानतो. परंतु मी आयुष्यात जसं पुढे जातोय तसं मला कळालं की एक पती, बाप, मुलगा आणि अभिनेता म्हणून आत्मपरिक्षण करायची गरज आहे. त्यामुळे आता पुन्हा घरी परतायची वेळ झाली आहे." २०२५ या वर्षांत मी तुम्हाला शेवटचं भेटेन. पुन्हा योग्य वेळ जोपर्यंत येत नाही तोपर्यंत (ही शेवटची भेट असेल.) दोन शेवटचे चित्रपट आणि अगणित आठवणी, सर्व गोष्टींसाठी खूप खूप धन्यवाद ‘ असं विक्रांतने त्याच्या पोस्टमध्ये नमूद केलं आहे.





पोस्टमुळे चाहते हैराण


दरम्यान, विक्रांतच्या या पोस्टनंतर त्यावर कमेंट्सचा अक्षरश: पाऊस पडलाय, त्याच्या या निर्णयामुळे अनेकांना धक्का बसला असून त्याचे चाहते तर हैराणच झालेत. अनेकांनी त्या पोस्टवर कमेंट करत निराशा जाहीर व्यक्त केली आहे. विक्रांतने असा निर्णय का घेतला, हे तर प्रत्येकालाच जाणून घ्यायचं आहे. तू असं का करतोयस ? तुझ्यासारखा अभिनेता क्वचितच समोर येतो, असं म्हणत एका चाहत्याने त्याला थेट सवाल विचारला आहे. हे खरं नाही, हे खरं नसाव अशी मला अशा आहे, अशा शब्दांत आणखी एका चाहत्याने त्याचं दु:ख व्यक्त केलंय.


गेल्या वर्षीच विक्रांतचा ’12वी फेल’ रिलीज झाला होता, ज्यावर लोकांनी भरभरून प्रेम दिल होत. त्यातील त्याच्या अभिनेयाचे खूप कौतुक झाले. तर नुकत्याच आलेल्या ‘द साबरमती रिपोर्ट’ या चित्रपटासाठी, त्याला आंतरराष्ट्रीय चित्रपट महोत्सव २०२४ मध्ये ‘पर्सनॅलिटी ऑफ द इयर’ हा पुरस्कार देण्यात आला होता.

Comments
Add Comment

कधी प्रदर्शित होणार द फॅमिली मॅन सीझन ३

मुंबई : मागील चार वर्षांपासून अॅमेझॉन प्राइम व्हिडीओवरील द फॅमिली मॅन या मालिकेचे (वेब सीरिज) चाहते नव्या सीझनची

चतुरस्त्र अभिनेत्री निवेदिता सराफ यांना यंदाचा गंधार गौरव पुरस्कार जाहीर

ठाणे : हिंदी, मराठी चित्रपट आणि मालिका सृष्टीतील चतुरस्त्र अभिनेत्री निवेदिता जोशी सराफ यांना यंदाचा गंधार गौरव

सतीश शाह यांच्या निधनापूर्वी नक्की काय घडलं ? मॅनेजरने सांगितलं सत्य

मुंबई : हिंदी मालिका आणि सिनेसृष्टीतील दिग्गज अभिनेते सतीश शाह यांचे काल शनिवारी २५ ऑक्टोबर रोजी मुंबईच्या

फरहान अख्तर आणि सुखविंदर सिंग लखनऊमध्ये १२० बहादूरच्या पहिल्या गाण्याच्या लाँचिंगसाठी पुन्हा एकत्र येणार!

मुंबई : एक्सेल एंटरटेनमेंट आणि ट्रिगर हॅपी स्टुडिओजचा आगामी युद्ध नाटक, १२० बहादूर, या वर्षातील सर्वात चर्चेत

सतीश शाहांनी निधनाच्या काही तासांपूर्वीच पाठवला होता मेसेज : सचिन पिळगावकरने दिली माहिती !

मुंबई : हिंदी चित्रपटसृष्टी आणि दूरदर्शनवर आपल्या खास विनोदीशैलीने चार दशकांहून अधिक काळ प्रेक्षकांचे मनोरंजन

AI मुळे दीड वर्षातच बंद होतील मराठी आणि हिंदी चित्रपट ; दिग्दर्शक महेश मांजरेकरांचं भाकीत

 मुंबई : AI (आर्टिफिशिअल इंटिलिजन्स ) चा वापर आपण आजकाल सर्रास सर्वच गोष्टींमध्ये करतो. AI हे हळू हळू लोकांची कामं