पतीशी फोनवर भांडण झाल्याने पत्नीने पोटच्या मुलीला संपवले

  66

लखनऊ: उत्तर प्रदेशातील गोंडामध्ये हैराण करणारी घटना समोर आली आहे. पतीशी भांडण झाल्यानंतर एका महिलेने आपल्या ८ महिन्यांच्या मुलीची हत्या केली. पोलिसांनी आरोपी आईला अटक केली आहे.


न्यूज एजन्सीच्या रिपोर्टनुसार अधिकाऱ्यांनी गुरूवारी सांगितले की एका महिलेने दावा केला होता की तिची आठ महिन्यांची मुलगी बेपत्ता झाली आहे. मात्र पोलिसांना तपासादरम्यान आढळले की आपल्या पतीसोबत भांडण झाल्यानंतर चिडलेल्या पत्नीनेच आपल्या मुलीची हत्या केली होती.


ही घटना २९ सप्टेंबरला परसपूर भागात घडली होती. पोलिसांच्या माहितीनुसार मुलगी अनेकदा या दाम्पत्याच्या भांडणाचे कारण होत असे. २९ सप्टेंबरच्या रात्री फोन कॉलवर पतीसोबत भांडण झाल्यानंतर रागात असलेल्या पत्नीने आपल्या मुलीला घराजवळच्या सेप्टिक टँकमध्ये फेकून दिले होते.त्यानंतर सकाळी दावा केला की तिची मुलगी बेपत्ता झाली आहे.


आरोपी महिलेचा पती कामानिमित्त मुंबईत राहत असे. तर पत्नी जगमती आपल्या सासरच्यांसोबत गावात राहत होती. सोमवारी सकाळी जगमतीने कुटुंबियांना सांगितले की तिची मुलगी शगुन बेपत्ता झाली आहे. तिने असा दावाही केला की तिला कोणीतरी जंगली प्राणीघेऊन गेला. यानंतर पोलिसांनी तपास केला असता जगमतीच्या घराच्या मागे सेप्टिक टँकमध्ये मुलीचा मृतदेह आढळला.


पोस्टमार्टेम रिपोर्टमध्ये तिच्या अंगावर कोणतेही निशाण नव्हते. तिचा मृत्यू बुडल्यामुळे झाला. यानंतर पोलिसांनी जेव्हा जगमतीकडे चौकशी सुरू केली तेव्हा तिच्या विधानांमध्ये अंतर होते. जेव्हा तिच्याकडे कडक चौकशी केली असता तिनेच आपल्या मुलीला मारल्याची कबुली दिली.

Comments
Add Comment

शेतकऱ्यांचे नुकसान होऊ देणार नाही- पंतप्रधानांची ग्वाही, अमेरिकेच्या ५० टक्के टॅरिफवर व्यक्त केला वज्र निर्धार

अहमदाबाद : शेतकरी, लघु उद्योजक आणि पशुपालकांचे हित हेच माझ्यासाठी सर्वोच्च असल्याचे आश्वासन पंतप्रधान नरेंद्र

पंतप्रधान मोदींची पदवी सार्वजनिक करण्याचे आदेश दिल्ली हायकोर्टाने केले रद्द

नवी दिल्ली : पंतप्रधान नरेंद्र मोदी यांची पदवीची माहिती सार्वजनिक करण्याचे केंद्रीय माहिती आयोगाने (सीआयसी)

भटक्या कुत्र्याचा पाच वर्षांच्या मुलावर हल्ला

नवी दिल्ली : दिल्लीच्या शकरपूर भागात भटक्या कुत्र्याने पाच वर्षांच्या मुलावर हल्ला केला. या हल्ल्यात मुलगा

जैसलमेरमध्ये खोदकामात आढळले २०१ दशलक्ष वर्षांपूर्वीच्या फायटोसॉरचे जीवाश्म

जैसलमेर: राजस्थानमधील एका गावात तलावाजवळ डायनासॉर काळातील जीवाश्म सापडले असल्याची चर्चा काही दिवसांपासून सुरू

संघाची जोधपूरमध्ये ५ ते ७ सप्टेंबरदरम्यान बैठक

नवी दिल्ली : राष्ट्रीय स्वयंसेवक संघाची वार्षिक अखिल भारतीय समन्वय बैठक यंदा ५ ते ७ सप्टेंबर या कालावधीत

हैदराबादमध्ये क्रौर्याचा कळस! पतीने गर्भवती पत्नीची हत्या करून मृतदेहाचे केले तुकडे

हैदराबाद: तेलंगणाची राजधानी हैदराबादमध्ये एका अत्यंत धक्कादायक घटनेने सगळ्यांनाच हादरवून सोडले आहे. एका पतीने