कोलकाता: कोलकातामध्ये ट्रेनी डॉक्टरवरील बलात्कार आणि हत्या प्रकरणी न्यायासाठी सुरू असलेल्या मागणीवर ज्युनियर डॉक्टर आणि पश्चिम बंगाल सरकार यांच्यातील बातचीत यशस्वी झाली आहे. पश्चिम बंगाल ज्युनियर डॉक्टर्सनी आपला संप मागे घेण्याचा निर्णय घेतला आहे. संपामध्ये सामील झालेले ज्युनियर डॉक्टर शनिवार २१ सप्टेंबरपासून कामावर परततील. या दरम्यान, आपातकाली सेवा पुन्हा सुरू होतील मात्र ओपीडी सेवा निलंबित राहतील.
आरजी कर मेडिकल कॉलेजमध्ये महिला डॉक्टरसोबत झालेल्या घृणास्पद कृत्याच्या विरोधात ९ ऑगस्टपासून ज्युनियर रेजिडेंट डॉक्टर यांनी संप पुकारला होता. ममता सरकारने सातत्याने यांच्याकडे कामावर परतण्याची मागणी केली होती. सुप्रीम कोर्टानेही डॉक्टरांना कामावर परतण्यास सांगितले होते.
ज्युनियर डॉक्टरांनी शु्क्रवारी २० सप्टेंबरपासून आरोग्य भवन आणि कोलकातामध्ये सुरू असलेला संप मागे घेण्याची घोषणा केली. शनिवारपासून ते सर्व डॉक्टर कामावर परततील. संपूर्ण ४१ दिवसांनी डॉक्टर आवश्यक सेवांमध्ये परततील.
संप करणारे ज्युनियर डॉक्टर अकीब यांच्या माहितीनुसार, संपाच्या ४१व्या दिवशी पश्चिम बंगाल ज्युनियर डॉक्टर्स फ्रंटचे हे म्हणणे आहे की आम्ही आपल्या आंदोलनादरम्यान बरंच काही मिळवलं. मात्र काही गोष्टी अद्यापही मिळालेल्या नाहीत. आम्ही कोलकाताचा पोलीस कमिश्नर आणि डीएमई, डीएचएस यांना राजीनामा देण्यासाठी प्रवृत्त ेले, मात्र याचा अर्थ असा नाही की हे आंदोलन संपले आहे. आम्ही हे नव्या पद्धतीने पुढे ठेवू.
