Crime : अमरावतीला येणारा लाखो रुपयांचा गुटखा जप्त; दोन आरोपी अटकेत!

  114

अमरावती : राज्यात प्रतिबंधित असलेल्या सुगंधित तंबाखू, गुटख्याची मध्य प्रदेशातून महाराष्ट्रात येणारी मोठी खेप धारणी (Gutkha Seized) पोलिसांनी पकडली. ट्रकमधून सुमारे २५ लाखांचा गुटखा जप्त करण्यात आला. एकूण ३५ लाखांचा हा मुद्देमाल आहे. अमरावती- बडनेरा येथील गुटखा तस्करांसाठी हा माल आणला जात असल्याचे ताब्यात घेतलेल्या दोघांनी पोलिसांना सांगितले.


पोलिसांनी दिलेल्या माहितीनुसार, मध्य प्रदेशातील इंदूरहून अमरावती येथे प्रतिबंधित सुगंधित तंबाखू, गुटख्याची मोठी खेप येत असल्याची माहिती धारणी पोलिसांना मिळाली होती. त्यानुसार ढाकणा फाट्यावर सापळा रचून एमपी ०९ जीएफ ९४८३ क्रमांकाचा ट्रक थांबवून पोलिसांनी तपासणी केली. वायरच्या गुंडाळ्यांमागे पोत्यांमध्ये दडविलेला २५ लाखांचा माल आढळून आला. पोलिसांनी मुद्देमालसह ट्रक जप्त केला.


पुढील तपास ठाणेदारांच्या मार्गदर्शनात होत आहे. या प्रकरणाचे तार अमरावती शहरातील गुटखा तस्करांशी जुळून आले आहेत. यासंदर्भात धारणीचे पोलिस निरीक्षक अशोक जाधव म्हणाले की गोपनीय माहितीवरून नाकाबंदी करून ट्रकची झडती घेतली. त्यामध्ये प्रतिबंधित गुटखा आढळला. ट्रकसह ३५ लाख रुपयांचा मुद्देमाल जप्त करण्यात आला आहे.



आरोपींची माहिती


चालक जयश मिश्रा आणि वाहक रामलाल मेहरा यांना देखील अटक करण्यात आली आहे. पोलिस अधीक्षक विशाल आनंद यांच्या मार्गदर्शनाखाली धारणीचे पोलिस निरीक्षक अशोक जाधव, उपनिरीक्षक सतीश झाल्टे, ईश्वर सोळंके, पोलिस अंमलदार शेख गणी, राम सोळंके, कृष्णा जामूनकर, संजय मिश्रासह इतर पोलिस अधिकारी कर्मचाऱ्यांकडून कारवाई करण्यात आली.

Comments
Add Comment

अजित पवारांच्या मुलापाठोपाठ पुतण्याचाही साखपुडा

बारामती : उपमुख्यमंत्री अजित पवार यांचा मुलगा जय पवार याचा साखरपुडा काही दिवसांपूर्वी झाला. आता अजित पवारांचा

XI Admission List: अकरावी प्रवेशाची पहिली यादी जाहीर, कुठं पाहाल यादी? जाणून घ्या

अकरावी प्रवेशाची यादी दोन दिवसांआधीच जाहीर  मुंबई :   अकरावीत प्रवेश घेणाऱ्या विद्यार्थ्यांसाठी एक मोठी बातमी

कोल्हापुरात जुन्या मराठी सिनेमांचं होणार मोफत प्रदर्शन, सांस्कृतिक मंत्री आशिष शेलार यांची घोषणा...

कोल्हापूर : येणाऱ्या वर्षभरात ‘कलापूर’ म्हणून ओळखल्या जाणाऱ्या कोल्हापूरमध्ये सांस्कृतिक कार्य विभागाकडून

किनारपट्टीवर 3.8 मीटर उंच लाटा धडकणार, लहान होड्यांना समुद्रास न जाण्याच्या सूचना...

मुंबई : राज्यात पुढील २४ तासात पुणे घाट, सातारा घाट परिसरात ऑरेंज अलर्ट देण्यात आला असून भारतीय राष्ट्रीय महासागर

मुंबईकरांसाठी आनंदाची बातमी ! कल्याण-भिंवडी मेट्रो ५ चा विस्तार लवकरच, मुख्यमंत्री देवेंद्र फडणवीस यांची घोषणा...

मुंबई : मुंबईत गेल्या काही दिवसांपासून लोकल ट्रेनची गर्दी कमी करण्यासाठी राज्य सरकारने नवीन पाऊले उचलली आहेत.

शेतीच्या वादावरून पुतण्याने केला काकी आणि चुलत भावाचा खून : वर्ध्यातील धक्कादायक प्रकार

वर्धा : शेती वाटपावरून २ जणांची कुऱ्हाडीने वार करत हत्या करुन , नंतर आरोपीने देखील विष पिऊन आत्महत्या केल्याचा