Wayanad landslide : केरळच्या वायनाडमध्ये पावसाचे थैमान! भूस्खलनामुळे १९ जणांचा मृत्यू

शेकडो लोक अडकल्याची भीती; बचावकार्य सुरु


वायनाड : केरळच्या (Kerala) मेप्पाडी भागात मध्यरात्री २ वाजताच्या सुमारास भूस्खलनाची घटना घडली. यामध्ये मुंडक्काई, चुरमाला, अट्टामाला आणि नूलपुझा या चार गावांना भूस्खलनाचा तडाखा बसला. या दुर्घटनेत १० जणांचा मृत्यू झाला असून ४०० हून अधिक जण अडकल्याची भीती व्यक्त केली जात आहे. याप्रकरणी बचावकार्य मदतीचे काम सुरू असताना आज पहाटे पुन्हा केरळमध्ये भूस्खलन (Wayanad landslide) झाल्याची माहिती मिळत आहे. यामध्ये १९ जणांचा मृत्यू झाला असून शेकडो लोक अडकल्याची शक्यता वर्तवण्यात येत आहे. याप्रकरणी बचावकार्य सुरु करण्यात आले आहे. मात्र सलग दोनवेळा भूस्खलन झाल्यामुळे परिसरात एकच खळबळ उडाली आहे.


मिळालेल्या माहितीनुसार, आज पहाटे ४.१० वाजेच्या सुमारास वायनाड जिल्ह्यातील मेप्पाडी भागात भूस्खलानाची घटना घडली. या भूस्खलनात दोन चिमुकल्यांसह १९ जणांचा मृत्यू झाला. तसेच अनेक लोक यामध्ये अडकल्याची शक्यता असून प्रशासनाकडून बचावकार्य सुरु करण्यात आले आहे. परंतु सध्या केरळमध्ये पावसाच्या संततधार कोसळत असल्यामुळे बचावकार्यात अडथळे निर्माण होत आहेत. या दुर्घटनेनंतर १६ जणांना वायनाडमधील मेप्पाडी येथील एका खासगी रुग्णालयात दाखल करण्यात आले आहे.


दरम्यान, या घटनेनंतर केरळचे मुख्यमंत्री पिनाराई विजयन यांनी विशेष लक्ष देण्यास सुरुवात केली आहे. त्याचबरोबर या दुर्घटनेची माहिती मिळताच सरकारी यंत्रणा मदतीसाठी धावल्या असून केरळ सरकारकडून रेस्क्यू ऑपरेशन सुरु करण्यात आले आहे. तसेच या दुर्घटनेनंतर अनेक राज्यमंत्री या दौऱ्यावर येण्याची शक्यता वर्तवण्यात येत आहे.

Comments
Add Comment

पंतप्रधान मोदी देशवासियांशी १२८ व्यांदा 'मन की बात' मधून संवाद साधणार

नवी दिल्ली : पंतप्रधान नरेंद्र मोदी रविवार ३० नोव्हेंबर २०२५ रोजी १२७ व्यांदा 'मन की बात' कार्यक्रमाद्वारे जनतेशी

केरळमध्ये उमद्या मनाचे ९० वर्षीय वृद्ध लढवताहेत निवडणूक घरोघरी जाऊन मतांसाठी आवाहन

कोची (वृत्तसंस्था) : कोचीच्या असमानूर गावात पंचायत निवडणुकीसाठी ९० वर्षांचे एक वृद्ध व्यक्ती मोठ्या उत्साहाने

एआयचा वाढता प्रभाव: जखमेचा बनावट फोटो वापरून कर्मचाऱ्याने घेतली सुट्टी, सोशल मीडियावर जोरदार चर्चा

नवी दिल्ली : आजच्या डिजिटल युगात कृत्रिम बुद्धिमत्ता (AI) इतकी प्रगत झाली आहे की वास्तव आणि बनावट यातील सीमारेषा

फक्त १७ वर्षांच्या इंटर कॉलेजच्या विद्यार्थ्याने बनवला रोबोट

लखनऊ : तंत्रज्ञानाच्या दुनियेत नेहमी मोठ्या कंपन्यांच्या आणि मोठ्या बजेटवाल्या स्टार्टअप्सच्या नवकल्पनांची

Accident : अपघाताने कुटुंब उद्ध्वस्त! भरधाव डंपर खडीसकट कारवर कोसळला; ४ वर्षांच्या चिमुरड्यासह एकाच कुटुंबातील ७ जणांचा करुण अंत

काल, २८ नोव्हेंबर रोजी सकाळी घडलेल्या एका अत्यंत भयावह अपघातात (Tragic Accident) एकाच कुटुंबातील चार वर्षांच्या मुलासह सात

शिक्षिकेची विद्यार्थ्यांना बेदम मारहाण ; व्हिडीओ व्हायरल

जौनपूर : शिक्षक आणि विद्यार्थ्यांचं नातं हे किती पवित्र आणि अनोखं असतं, हे सर्वांनाच ठाऊक आहे. शाळेच्या वर्गात