पुणे : पुण्यात गेल्या काही दिवसांत गुन्हेगारीच्या घटनांमध्ये (Pune Crime) प्रचंड वाढ झाली आहे. पुण्यात शिकत असलेल्या तरुणांवर एकतर्फी प्रेमातून कोयता हल्ल्याच्या घटना किंवा पुण्यात सक्रिय असलेली कोयता गँग यामुळे विद्येचं माहेरघर असलेल्या पुण्यात सध्या गुन्हेगारीचं प्रमाण वाढीस लागलं आहे. त्यातच एक धक्कादायक घटना पुण्याच्या येरवडा भागात घडली आहे. पुण्यात सलग चौथ्या दिवशी येरवडा परिसरात पहाटेच्या वेळी गोळीबाराची घटना समोर आली आहे. त्यामुळे नागरिकांमध्ये भयंकर भीतीचं वातावरण पसरलं आहे.
येरवडा येथील अग्रेसन स्कूल समोर पहाटे साडेतीन ते चारच्या दरम्यान गोळीबाराची घटना घडली. जुन्या वादाचा राग मनात धरून एकावर तीन गोळ्या झाडण्यात आल्या. आकाश चंदाले याने विकी चंदाले या दोघांवर गोळीबार केला आहे. गोळीबार करणाऱ्या आरोपीला पोलिसांनी ताब्यात घेतलं आहे. दोघेही एकमेकांचे नातेवाईक असल्याचं देखील पोलीस तपासात समोर आलं आहे.
पुण्यात याआधी जंगली महाराज रोड, हडपसर, सिंहगड रोडवर गोळीबाराच्या घटना समोर आल्या होत्या. जंगली महाराज रोडवर धीरज दिनेशचंद्र आरगडे बांधकाम व्यावसायिकावर स्विगीचे वस्त्र परिधान करून दुचाकीवरून आलेल्या दोघांनी फायरिंग करण्याचा प्रयत्न केला. तर हडपसरमधील शेवाळेवाडी येथे ठेकेदारीच्या वादातून दोन सैनिकांमध्ये दिवसाढवळ्या गोळीबार झाला. यापूर्वी देखील सतत पुण्यात अशा गोळीबाराच्या घटना समोर आल्या आहेत. या घटना लागोपाठ घडत असल्यामुळे पुण्यातील कायदा व सुव्यवस्थेचा प्रश्न निर्माण झाला आहे.
साप्ताहिक राशिभविष्य, रविवार, १३ ते १९ एप्रिल २०२५ आर्थिक परिस्थिती मनासारखी राहील मेष : हा…
मृणालिनी कुलकर्णी कन्नड साहित्यिक भैरप्पा यांनी त्यांना सरस्वती सन्मानाचे मिळालेले ‘पाच लाख रुपये परत करतांना…
डाॅ. स्वाती गानू वयाची दहा-बारा वर्षे मुलांशी आपण किती सहज बोलू शकतो, गप्पा मारू शकतो,…
सतीश पाटणकर नारायण गणेश गोरे तथा नानासाहेब गोरे हे समाजवादी विचारवंत तसेच मराठी लेखक आणि…
डॉ. महालक्ष्मी वानखेडकर इवलासा चिमणीसारखा अस्थिर जीव जेमतेम दहा-बारा सेंटीमीटरचा. नाकापासून ते पाठीपर्यंत काळ्या रंगाचे…
श्रीनिवास बेलसरे चित्रपटसृष्टीतील जुन्या कलाकारांनी, विशेषत: गीतकारांनी, सगळ्या नात्यांना किती सुंदरपणे प्रेक्षकांसमोर आणले ते पाहिले…