Raj Thackeray : आपण सगळ्याच दृष्टीकोनातून कात टाकणं गरजेचं आहे

मराठी भाषादिनी नेमकं काय म्हणाले राज ठाकरे?


मुंबई : महाराष्ट्रात (Maharashtra) सर्वत्र आज मराठी भाषा गौरव दिन (Marathi Bhasha Gaurav Din) साजरा केला जात आहे. त्यानिमित्त छत्रपती शिवाजी महाराज पार्क येथे आयोजित करण्यात आलेल्या पुस्तक प्रदर्शन सोहळ्याला मनसे (MNS) अध्यक्ष राज ठाकरे (Raj Thackeray) यांनी एका कार्यक्रमाला हजेरी लावली होती. यावेळेस त्यांनी मराठी चित्रपटसृष्टी, नाट्यसृष्टी अशा मराठीशी संबंधित अनेक महत्त्वाच्या मुद्द्यांवर भाष्य केले.


राज ठाकरे यांनी या कार्यक्रमाला हजेरी लावत मराठी भाषा दिनानिमित्त सर्वांना शुभेच्छा दिल्या. ते म्हणाले, महाराष्ट्रात साधारणपणे १५ कोटी मराठी लोकसंख्या आहे. दीड-पावणे दोन कोटी बाहेरचे आहेत, बाकी मराठीच आहेत. काही ठराविक नाटकं, चित्रपट सोडले तर प्रेक्षक पाहायला का जात नाहीत? आपण सगळ्याच दृष्टीकोनातून कात टाकणं गरजेचं आहे, असं राज ठाकरे यांनी म्हटलं.


राज ठाकरे यांनी पुढे सांगितलं की, ''जी गोष्ट मला टीव्हीवर मोफत पाहता येते, ती पाहण्यासाठी मी पैसे देऊन चित्रपटगृहात जाणार नाही, त्याव्यतिरिक्त काही मिळालं तर जाईन. हिंदी चित्रपटसृष्टी मोठी वाटते, पण तिथेही दणादण चित्रपट आदळत आहेत, कारण लोकांना तोच-तोचपण नको आहे. जे चित्रपट चालले आहेत, ते सहजासहजी टीव्हीवर पाहता येत नाहीत, त्यामुळे ते चालतात. कात टाकणं आवश्यक आहे.''



नवीन कल्पना, नवीन संकल्पना येणं गरजेचं


राज ठाकरे म्हणाले, नवीन संकल्पना, नवीन कल्पना येणं गरजेचं आहे. त्यासाठी माझ्याकडून जो काही हातभार लागेल, त्या-त्या वेळी मी निश्चितपणे आपल्या पाठीमागे उभा आहे. मराठी भाषा दिन साजरा करणं मी आणि माझ्या पक्षाने २००८ मध्ये सुरु केलं, त्याआधी फक्त मराठी भाषा दिवस होता. आता हा दिवस साजरा होतो, मोठा होतो, तो वाढतोय.



मराठी चित्रपटसृष्टीसाठी लवकरच काहीतरी आणणार


मराठी भाषा, मराठी चित्रपट, मराठी जे जे काही आहे, ते वृद्धिंगत व्हावं हीच मनापासून इच्छा आहे. त्यासाठी जे काही माझ्याकडून होईल, ते करण्याचा मी निश्चित प्रयत्न करेन आणि त्यासाठी मला गृहीत धरलं तरी चालेल. मराठी चित्रपटसृष्टीसाठीही काहीतरी करण्याचा प्रयत्न लवकरच ते समोर येईल.



'तिकीटालय' ॲप लाँच


दरम्यान, मराठी भाषा दिनानिमित्त 'तिकीटालय' ॲप लाँच करण्यात आलं. मराठी नाटक, चित्रपट आणि कार्यक्रम बुकिंगसाठी तिकिटालय ॲप तयार केलं आहे. इतर ॲपवर मराठी कार्यक्रम कमी असतात. मात्र या ॲपमध्ये सर्व सविस्तर कार्यक्रमाची माहिती आहे.


Comments
Add Comment

'आयुष'च्या ४२८५ रिक्त जागा, होमिओपथी, आयुर्वेद, युनानी अभ्यासक्रमांचे प्रवेश

महाराष्ट्र : आरोग्यविज्ञान विद्यापीठाशी संलग्न असलेल्या सरकारी आणि खासगी महाविद्यालयांकडून राबवण्यात

शिक्षक होण्याची सुवर्णसंधी, CTETची अधिसूचना जाहीर

मुंबई : केंद्रीय शिक्षक पात्रता परीक्षेचे वेळापत्रक जाहीर झाले आहे. या वेळापत्रकानुसार केंद्रीय शिक्षक पात्रता

उत्तम आरोग्यासाठी महापालिका आयुक्तांनी केल्या अशा सूचना

मुंबई (खास प्रतिनिधी) : मुंबईकरांनी आपल्या उत्तम आरोग्यासाठी उद्यानात आणि व्यायामशाळेत श्रम घेणे गरजेचे आहे.

पक्षप्रतिमा जपण्यासाठी अजित पवार संघापासून चार हात दूरच!

मुंबई  : तळेगाव दाभाडे नगर परिषदेच्या नवीन इमारतीच्या उद्घाटनाचा कार्यक्रम सोमवारी पार पडला. हा कार्यक्रम

पश्चिम रेल्वेवर रात्रकालीन ब्लॉक

मुंबई : पश्चिम रेल्वेवर दि. २५ ते २६ ऑक्टोबरच्या मध्यरात्री वसई रोड आणि भाईंदर स्थानकांदरम्यान अप जलद मार्गावर

Mumbai Megablock : मेगा 'ब्लॉक डे' मुंबईकरांना सतावणार! 'लाईफलाईन' लोकलची दुरुस्ती; कोणत्या मार्गांवर सेवा पूर्णपणे बंद राहणार?

मुंबई : मुंबईची लाईफलाइन (Mumbai Lifeline) असलेली उपनगरीय रेल्वे (Suburban Railway) लाखो प्रवाशांना घेऊन अविरत धावत असते. या लोकलच्या