मुंबई : महालक्ष्मी रेसकोर्स (Mahalakshmi race course) ही मुंबईतील (Mumbai) प्रचंड मोठी आणि मोकळी जागा आहे. मात्र, ही जागा नेमकी कशासाठी वापरली जाणार हा मुद्दा २०१३ पासून चर्चेत आहे. ठाकरे गटाचे आमदार आदित्य ठाकरे (Aditya Thackeray) यांनी रेसकोर्सची जागा बिल्डरला देण्यात येणार असल्याचा आरोप सरकारवर केला आहे. यावर महापालिका आयुक्त इक्बालसिंह चहल (Iqbal Singh Chahal) यांनी स्पष्टता दिली आहे. ही जागा केवळ गार्डनसाठीच वापरण्यात येणार असून या ठिकाणी लंडन सेंट्रल पार्कप्रमाणे (London central park) मुंबई सेंट्रल पार्क (Mumbai central park) उभारण्यात येणार असल्याची माहिती आयुक्त चहल यांनी दिली. ही जागा कोणत्याही बिल्डरला देण्यात येणार नाही, असंही ते म्हणाले.
महालक्ष्मी रेसकोर्सचा मुद्दा हा २०१३ पासून आहे. माझी त्यांच्यासोबत चर्चा देखील सुरु आहे आणि १२ ते १३ बैठका देखील झाल्या आहेत, अशी माहिती यावेळी इक्बालसिंह चहल यांनी दिली. ते म्हणाले, मुंबईचा हा भाग जवळपास १ लाख एकरचा आहे. संजय गांधी पार्क सोडून आणि पब्लिक गार्डन पार्क सोडून एकूण १४० एकर ही जागा आहे. त्यामुळे असं ठरलंय की ९१ एकरमध्ये रेसकोर्स चालेल आणि बाकी जागा ही पार्कसाठी वापरली जाईल.
पालिका आयुक्तांनी म्हटलं की, ही जागा बिल्डरकडे देणार ही गोष्ट बकवास आहे. त्यामुळे महालक्ष्मीची जागा फक्त गार्डनसाठीच वापरली जाईल. लंडन सेंट्रल पार्कसारख्या पार्कची आमची योजना आहे. रेसकोर्सच्या सदस्यांसोबत बैठक देखील बोलावली होती. त्या बैठकीमध्ये मी त्यांना सांगितलं की, इकडे गार्डन होणार म्हणून मी अॅफिडेव्हिट द्यायला तयार आहे.
दोन गार्डन जोडण्याचा आमचा प्रयत्न असणार आहे. कोस्टल रोड आणि महालक्ष्मीचं गार्डन आम्ही सबवेने जोडू आणि मुंबई सेंट्रल पार्क उभारु. त्यासाठी लोकांनी आम्हाला पाठिंबा द्यावा. ३०० एकर जागेवर आम्ही हे पार्क उभारणार आहोत. एमओयू आम्ही ड्राफ्ट करतोय, ज्यामध्ये सरकार, पालिका आणि रेसकोर्सच्या सदस्यांमध्ये हा एमओयू होणार. त्यानंतर कॅबिनेटकडून हा निर्णय घेतला जाईल. निर्णय घेतल्यानंतर ऑर्डर पास होईल आणि मग काम सुरु केले जाईल. त्यामुळे बिल्डर इथे येऊन बांधकाम करणार या गोष्टींना काही अर्थ नाही, असं पालिका आयुक्त म्हणाले.
भारंगी नदीला पूर, गाड्या वाहून गेल्या, वाहतूकही ठप्प खर्डी : जुलै महिन्याला सुरुवात होताच पावसाने…
अकोल्यातील जवानाला २४ व्या वर्षी आले वीरमरण अकोला : जम्मू-काश्मीरच्या (Jammu Kashmir) कुलगाम जिल्ह्यात काल…
बुलढाणा : बुलढाणा (Buldhana News) जिल्ह्यातून एक अतिशय धक्कादायक घटना घडल्याचे उघडकीस आले आहे. बुलढाण्यात…
कारचालक फरार मुंबई : राज्यभरात हिट अँड रनच्या (Heat And Run) वाढत्या केसेसमुळे चिंतेचे वातावरण निर्माण झाले…
नागपूर : विदर्भात अधिकाधिक रोजगारनिर्मिती होण्याच्या दृष्टीने सर्व सुविधांनी परिपूर्ण औद्योगिक क्षेत्र निर्माण करण्यावर आपण…
मुंबई : मुंबई मेट्रो मार्ग ३ साठी केंद्र सरकारद्वारे जपान आंतरराष्ट्रीय सहकार्य संस्था (जायका) यांच्या…