Jay Shri Ram : प्राण प्रतिष्ठापनेच्या वेळी घरी प्रभु रामाची पूजा कशी कराल?

  180

जाणून घ्या विधी, साहित्य आणि पूजेची पद्धत


मुंबई : अयोध्येतील राम मंदिरात (Ayodhya Ram Mandir) आज २२ जानेवारीला अभिजीत मुहूर्तावर प्रभू रामलल्लाच्या मूर्तीची प्राण-प्रतिष्ठापना (RamLalla Pran Pratishtha) होणार आहे. आजचा दिवस अतिशय ऐतिहासिक आहे. संपूर्ण देशात आनंदाचे वातावरण आहे. आज दुपारी प्राणप्रतिष्ठा होणार असून सायंकाळी श्री राम ज्योती प्रज्वलित होणार आहे. यामुळे अयोध्या उजळून निघणार आहे. शिवाय देशभरातही सर्वत्र दिव्यांचा लखलखाट करण्यात आला आहे.


या अभूतपूर्व सोहळ्याचे साक्षीदार होण्याकरता अनेक हिंदूंना अयोध्येत जायची इच्छा होती. मात्र, ते शक्य झाले नसले तरी काही हरकत नाही. या दिवशी विधीनुसार आपल्या घरी भगवान रामाची पूजा करून तुम्ही पुण्य लाभ मिळवू शकता. आज रामललाच्या प्राण-प्रतिष्ठापनेदिनी आपण आपल्या घरी भगवान रामाची पूजा कशी करावी. प्रभू रामाची उपासना पद्धत, मुहूर्त, मंत्र, आरती, नैवेद्य इत्यादींबद्दल जाणून घेऊया.



रामलल्लाची पूजा कधी करावी?


आज सकाळपासून ब्रह्मयोग आणि मृगाशिरा नक्षत्र तयार झाले असून सकाळी ७:१५ पासून सर्वार्थ सिद्धी योग आणि अमृत सिद्धी योग तयार झाला आहे. या वेळेपासून तुम्ही रामलल्लाची पूजा करू शकता. दुपारी प्राणप्रतिष्ठा कार्यक्रम पाहून पुण्य कमवावे.



प्रभू रामाची पूजा करण्याची पद्धत -


सर्वप्रथम लवकर उठून आंघोळ करून शुद्धी करा. स्वच्छ कपडे घाला. ज्या ठिकाणी प्रभू रामाचा फोटो, मुर्ती किंवा राम दरबार ठेवला आहे ती जागा गंगाजलाने शुद्ध करा. त्यानंतर सूर्यदेवाला जल अर्पण करा. रामलल्लाची मूर्ती किंवा चित्र लाकडी चौरंग किंवा पाटावर स्थापित करा. त्यानंतर पंचामृताने मूर्तीला स्नान करा. त्यानंतर प्रभू रामाला पाण्याने अभिषेक करा. त्यांना कपडे घाला. चंदनाने टिळा लावा. त्यांना फुले आणि हारांनी सजवा.


यानंतर रामललाला अक्षता, फुले, फळे, धूप, दिवा, नैवेद्य, तुळशीची पाने, सुगंधी इत्यादी अर्पण करा. तुम्ही त्यांना सुवासिक लाल, पिवळी, पांढरी फुले अर्पण करू शकता. तुम्ही रामलालला रसगुल्ला, लाडू, हलवा, इमरती, खीर इत्यादी मिठाई अर्पण करू शकता. आपण घरी तयार केलेले अन्न देखील देऊ शकता.


पूजा करताना राम नामाचा जप करावा. श्री राम चालिसा पठण करा. त्यानंतर तुपाचा दिवा किंवा मोहरीच्या तेलाचा दिवा किंवा कापूर लावून रामाची आरती करावी. घरात दिवे लावावे.



प्रभू रामाची पूजा केल्याने मिळते सकारात्मक उर्जा


घरी राम दरबार किंवा प्रभू रामाची पूजा केल्याने कुटुंबात एकता टिकून राहते. रोज रामाची पूजा केल्याने सर्व संकटे दूर होतात. ज्या घरामध्ये राम नामाचा जप केला जातो त्या घरात नेहमी सकारात्मक उर्जा राहते. प्रभू रामाची रोज पूजा केल्याने मोक्ष प्राप्त होतो. त्यामुळे निर्णय घेण्याची क्षमता आणि सर्जनशीलता वाढते. प्रभू रामाची पूजा केल्याने माता सीता तसेच हनुमानाचा आशीर्वाद प्राप्त होतो. त्यामुळे सर्व वाईट कामे दूर होऊ लागतात आणि साधकाच्या घरात आणि कुटुंबात सुख-समृद्धी नांदते.


Comments
Add Comment

संघाची जोधपूरमध्ये ५ ते ७ सप्टेंबरदरम्यान बैठक

नवी दिल्ली : राष्ट्रीय स्वयंसेवक संघाची वार्षिक अखिल भारतीय समन्वय बैठक यंदा ५ ते ७ सप्टेंबर या कालावधीत

हैदराबादमध्ये क्रौर्याचा कळस! पतीने गर्भवती पत्नीची हत्या करून मृतदेहाचे केले तुकडे

हैदराबाद: तेलंगणाची राजधानी हैदराबादमध्ये एका अत्यंत धक्कादायक घटनेने सगळ्यांनाच हादरवून सोडले आहे. एका पतीने

गंभीर गुन्ह्याप्रकरणी तुरुंगात गेल्यास पीएम सीएमना हटवणाऱ्या विधेयकाप्रकरणी विरोधकांचा रडीचा डाव

नवी दिल्ली : गंभीर गुन्ह्याप्रकरणी किमान ३० दिवस तुरुंगात घालवले किंवा तशी कोठडी देण्यात आली तर संबंधित मंत्री

रस्ते अपघातामध्ये प्रसिद्ध भारतीय क्रिकेटपटूचा मृत्यू, सीसीटीव्हीमध्ये दुर्घटना कैद

जम्मू आणि काश्मीर: रस्ते अपघातामध्ये भारतीय क्रिकेटपटूचा मृत्यू झाल्याची हृदयद्रावक घटना घडली आहे. या अपघाताचं

गगनयान मोहिमेसाठीची इस्रोची एअर ड्रॉप चाचणी यशस्वी

नवी दिल्ली : गगनयान मोहिमेसाठी इस्रोने यशस्वी एअर ड्रॉप चाचणी घेतली. ही पहिली एअर ड्रॉप चाचणी होती, जी पूर्ण

भारताच्या स्वदेशी हवाई संरक्षण यंत्रणांची यशस्वी चाचणी

नवी दिल्ली : डीआरडीओने भारताच्या एकात्मिक हवाई संरक्षण यंत्रणेसाठी शुक्रवारी २३ ऑगस्ट रोजी यशस्वी चाचण्या